പട്ടത്തിന്റെ നൂൽ കഴുത്തിൽ കുരുങ്ങി; ശ്വാസനാളി മുറിഞ്ഞ് സ്കൂട്ടർ യാത്രികക്ക് ദാരുണാന്ത്യം 

ഭോപ്പാൽ: പട്ടത്തിന്റെ നൂൽ കഴുത്തിൽ കുരുങ്ങി സ്കൂട്ടർ യാത്രികക്ക് ദാരുണാന്ത്യം. സുഹൃത്തിനൊപ്പം സ്കൂട്ടറിൽ പോകുന്നതിനിടെ പട്ടത്തിന്‍റെ നൂൽ 20കാരിയുടെ കഴുത്തിൽ കുരുങ്ങുകയായിരുന്നു. മധ്യപ്രദേശിലെ ഉജ്ജെയ്നിലാണ് സംഭവം. 

മാധവ് നഗർ പൊലീസ് സ്റ്റേഷൻ പരിധിയിൽ വച്ചാണ് അപകടമുണ്ടായത്. ഗുരുതരമായി പരിക്കേറ്റ യുവതി സംഭവസ്ഥലത്തു തന്നെ മരിച്ചു. ശ്വാസനാളി മുറിഞ്ഞ് രക്തം വാർന്നാണ് യുവതി മരിച്ചത്. സുഹൃത്ത് പരിക്കേൽക്കാതെ രക്ഷപ്പെട്ടു. 

പട്ടം പറത്തിയവരെ കണ്ടെത്താനുള്ള അന്വേഷണം നടക്കുകയാണെന്നും ഇതിനായി പ്രദേശത്തെ സിസിടിവികൾ പരിശോധിക്കുമെന്ന് പൊലീസ് പറഞ്ഞു. നൈലോൺ ചരടിൽ ഗ്ലാസ് പൊടി പൂശിയ പട്ടമാണ് അപകടമുണ്ടാക്കിയതെന്ന് പൊലീസ് പറഞ്ഞു.