ജയ്പൂര്‍: രാജസ്ഥാനില്‍ 25കാരിയെ കെട്ടിടത്തിന്റെ മൂന്നാമത്തെ നിലയില്‍ നിന്ന് വീണുമരിച്ച നിലയില്‍ കണ്ടെത്തി. കുടുംബവഴക്കിനെ തുടര്‍ന്ന് മകളെ മരുമകന്‍ തള്ളിയിട്ട് കൊന്നതാണ് എന്ന് അമ്മ ആരോപിച്ചു. സംഭവത്തിന് പിന്നാലെ ഒളിവില്‍ പോയ പ്രതിക്കെതിരെ കൊലപാതക കേസ് രജിസ്റ്റര്‍ ചെയ്ത് പൊലീസ് അന്വേഷണം ആരംഭിച്ചു.
അജ്മീറിലാണ് സംഭവം. സീമാ ചൗഹനാണ് മരിച്ചത്. ഒരു വര്‍ഷം മുന്‍പായിരുന്നു അവിനാശ്് ചൗഹാനുമായുള്ള മകളുടെ വിവാഹമെന്ന് അമ്മ മീനാ ശെഖാവത്തിന്റെ പരാതിയില്‍ പറയുന്നു. അവിനാശ് തൊഴില്‍ രഹിതനാണ്. ഇതുമായി ബന്ധപ്പെട്ട് മകളുമായി പതിവായി വഴക്കിടാറുണ്ട്.
കെട്ടിടത്തിന്റെ മുകളില്‍ നിന്ന് 25കാരി വീണുമരിച്ച നിലയില്‍
രണ്ടുമാസം മുന്‍പ് മീനാ ഇരുവര്‍ക്കുമായി ഒരു ഫ്‌ലാറ്റ് സംഘടിപ്പിച്ച് നല്‍കി. ആരവല്ലി വിഹാര്‍ കെട്ടിടത്തിന്റെ മൂന്നാമത്തെ നിലയിലാണ് ഇരുവരും താമസം തുടങ്ങിയത്. ഈ കെട്ടിടത്തിന്റെ രണ്ടാമത്തെ നിലയിലാണ് മീനാ താമസിക്കുന്നത്.
സംഭവദിവസം മൂന്നാമത്തെ നിലയില്‍ നിന്ന് മകളും മരുമകനും തമ്മില്‍ വഴക്കു കൂടുന്നതിന്റെ ശബ്ദം കേട്ടതായി മീന പരാതിയില്‍ പറയുന്നു. തുടര്‍ന്ന് ഇരുവരും ബാല്‍ക്കണിയിലേക്ക് പോയി. ഇവിടെ വച്ച് മരുമകന്‍ മകളെ തള്ളിയിട്ട് കൊന്നതായി മീനയുടെ പരാതിയില്‍ പറയുന്നു. വീഴുന്ന സമയത്ത് മകളുടെ കരച്ചില്‍ കേട്ടതായി അമ്മ പറഞ്ഞതായി പൊലീസ് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
