ഭോപ്പാല്‍: മധ്യപ്രദേശില്‍ വീടിന് മുന്നില്‍ നിന്ന് കടിച്ചെടുത്ത് കൊണ്ടുപോയ എട്ടുവയസുകാരനെ പുലിയുടെ ആക്രമണത്തില്‍ നിന്ന് രക്ഷിക്കാന്‍ ധീരമായി പോരാടി അമ്മ. പുലിയുടെ ആക്രമണത്തില്‍ പരിക്കേറ്റെങ്കിലും മകനെ രക്ഷിച്ച അമ്മയ്ക്ക് അഭിനന്ദന പ്രവാഹമാണ്.
മധ്യപ്രദേശ് സിദ്ധി ജില്ലയില്‍ വനത്തോട് ചേര്‍ന്നുള്ള ഗ്രാമത്തില്‍ ഞായറാഴ്ച രാത്രിയാണ് സംഭവം. തണുപ്പിനെ അകറ്റാന്‍ ചൂട് കായുന്നതിനിടെ, വീടിന് മുന്നില്‍ നിന്ന് കുഞ്ഞിനെ കടിച്ചെടുത്ത് പുലി കാട്ടിലേക്ക് മറയുകയായിരുന്നു. ഒരു നിമിഷം പോലും ആലോചിക്കാന്‍ നില്‍ക്കാതെ എട്ടുവയസുകാരനായ മകനെ രക്ഷിക്കാന്‍ പുലി പോയ ദിശയില്‍ അമ്മ ഓടി. തുടര്‍ന്ന് മകനെ രക്ഷിക്കാന്‍ പുലിയോട് ധീരമായി അമ്മ പോരാടുകയായിരുന്നു.
എട്ടുവയസുകാരനും അമ്മയ്ക്കും പുലിയുടെ ആക്രമണത്തില്‍ പരിക്കേറ്റു. ജീവന്‍ പണയം വച്ചും മകനെ രക്ഷിക്കാന്‍ പോരാടിയ അമ്മയ്ക്ക് വിവിധ കോണുകളില്‍ നിന്ന് അഭിനന്ദന പ്രവാഹമാണ്. മുഖ്യമന്ത്രി ശിവരാജ് സിങ് ചൗഹാന്‍ അടക്കമുള്ളവര്‍ യുവതിയുടെ ധീരതയെ വാഴ്ത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
