ബംഗളൂരു: കാമുകന്റെ വിമാനയാത്ര തടയാൻ ബംഗളൂരു കെംപെഗൗഡ അന്താരാഷ്ട്ര വിമാനത്താവളത്തിലേക്ക് വിളിച്ച് ബോംബ് ഭീഷണി മുഴക്കി യുവതി. പൂനെ സ്വദേശിനി ഇന്ദ്ര രജ്‌വാർ (29) ആണ് വിമാനത്താവളത്തിലേക്ക് ഫോൺ വിളിച്ച് ഭീഷണി മുഴക്കിയത്. കാമുകനായ മിർ റാസ മെഹ്ദി മുംബൈയിലേക്കുള്ള വിമാനത്തിൽ കയറിപ്പോകാതിരിക്കാനാണ് യുവതി ഇപ്രകാരം ഭീഷണി മുഴക്കിയത്.
മിർ റാസ മെഹ്ദിയുടെ ലഗേജിൽ ബോംബുണ്ടെന്നാണ് യുവതി വിമാനത്താവളം അധികൃതരെ അറിയിച്ചത്. ഇതേത്തുടർന്ന് സുരക്ഷ ഉദ്യോഗസ്ഥർ യുവാവിനെ വിശദമായി പരിശോധിച്ചെങ്കിലും സ്ഫോടക വസ്തുക്കളൊന്നും കണ്ടെത്താനായില്ല.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
തുടർന്ന് നടത്തിയ അന്വേഷണത്തിലാണ് വ്യാജഭീഷണിയാണെന്ന് മനസിലായത്. സംഭവത്തിൽ യുവതിയുടെ പേരിൽ ബംഗളൂരു വിമാനത്താവള പൊലീസ് കേസെടുത്തു. കേസിൽ കൂടുതൽ അന്വേഷണം നടന്നുവരികയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
