ലഖ്‌നൗ: സമാജ്‌വാദി പാര്‍ട്ടി നേതാക്കളുടെയും ഓഫീസിലെയും ഫോണുകള്‍ ഉത്തര്‍പ്രദേശ് സര്‍ക്കാര്‍ ചോര്‍ത്തിയെന്ന് എസ്പി നേതാവും മുന്‍ മുഖ്യമന്ത്രിയുമായ അഖിലേഷ് യാദവ്. ഫോണ്‍ ചോര്‍ത്തി എല്ലാ വൈകുന്നേരങ്ങളിലും അത് കേള്‍ക്കലാണ് യുപി മുഖ്യമന്ത്രി യോഗി ആദിത്യനാഥിന്റെ പരിപാടിയെന്നും അഖിലേഷ് യാദവ് പരഞ്ഞു.
സമാജ്‌വദി പാര്‍ട്ടി നേതാക്കളുടെ വീടുകളില്‍ ആദായനികുതി വകുപ്പ് റെയ്ഡ് നടത്തിയതിന് പിന്നാലെയാണ് സര്‍ക്കാരിന് എതിരെ രൂക്ഷ വിമര്‍ശനവുമായി അഖിലേഷ് രംഗത്തുവന്നിരിക്കുന്നത്. വരുന്ന തെരഞ്ഞെടുപ്പില്‍ തോല്‍ക്കുമെന്ന് ഉറപ്പായപ്പോള്‍ കേന്ദ്ര ഏജന്‍സികളെ ഉപയോഗിച്ച് ബിജെപി പ്രശ്‌നങ്ങള്‍ സൃഷ്ടിക്കാന്‍ ശ്രമിക്കുകയാണെന്നും അദ്ദേഹം ആരോപിച്ചു.
സമാജ്‌വാദി പാര്‍ട്ടി ദേശീയ വക്താവ് രാജീവ് റായ്, ജനേന്ദ്ര യാദവ്, മനോജ് യാദവ് എന്നിവരുടെ വീടുകളിലാണ് റെയ്ഡ് നടന്നത്. മൂന്നുപേരുടെയും വീടുകളില്‍ ഒരേസമയത്താണ് കേന്ദ്ര ഏജന്‍സി പരിശോധന നടത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
