ലക്‌നൗ; പതിനഞ്ചുകാരിയെ കൂട്ടബലാത്സംഗം ചെയ്ത കേസില്‍ രണ്ട് പേര്‍ അറസ്റ്റില്‍. ഉത്തര്‍പ്രദേശിലെ ഒറായ് പ്രദേശത്താണ് കഴിഞ്ഞ ദിവസം പ്ലസ് ടുവിദ്യാര്‍ഥിനി കൂട്ടബലാത്സംഗത്തിനിരയായത്. അമ്മയെ ആശുപത്രിയില്‍ കാണാന്‍ പോകുന്നതിനിടെയായിരുന്നു സംഭവം
അസുഖബാധിതയായ അമ്മയെയുമായി പെണ്‍കുട്ടിയുടെ പിതാവ് ആശുപത്രിയിലേക്ക് പോയിരുന്നു. പിന്നീട് അമ്മയെ കാണാന്‍ വീട്ടില്‍ ഒറ്റക്കായ പെണ്‍കുട്ടി ജില്ലാ ആശുപത്രിയിലേക്ക് പുറപ്പെടുകയായിരുന്നു.
ആശുപത്രിയിലേക്കുള്ള വഴിയില്‍ രണ്ടു പേര്‍ ചേര്‍ന്നാണ് പെണ്‍കുട്ടിയെ ആക്രമിച്ചത്. സമീപത്തെ വനമേഖലയിലേക്ക് കൊണ്ടുപോയി കൂട്ടബലാത്സംഗത്തിനിരയാക്കുകയായിരുന്നു. പീഡനവിവരം പിറ്റേദിവസം പെണ്‍കുട്ടി വീട്ടുകാരെ അറിയിക്കുകയായിരുന്നു. ഇതിന്റെ അടിസ്ഥാനത്തില്‍ പെണ്‍കുട്ടിയുടെ പിതാവ് ഓറായി പൊലീസ് സ്റ്റേഷനില്‍ പരാതി നല്‍കിയിരുന്നു. തുടര്‍ന്ന് നടത്തിയ അന്വേഷണത്തിലാണ് രണ്ട് കൗമാരക്കാര്‍ അറസ്റ്റിലായത്. പെണ്‍കുട്ടിയുടെ വൈദ്യപരിശോധന നടത്തിയതായും പൊലീസ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
