ന്യൂഡല്‍ഹി: കേന്ദ്രസര്‍ക്കാരിന് കീഴിലുളള എന്‍ജിനീയറിംഗ് സ്ഥാപനങ്ങളിലേക്കുളള പ്രവേശനത്തിന് ദേശീയതലത്തില്‍ നടത്തുന്ന പ്രവേശനപരീക്ഷയായ ജോയിന്റ് എന്‍ട്രന്‍സ് എക്‌സാമിനേഷന്‍ മെയ്ന്‍ അടുത്തവര്‍ഷം മുതല്‍ കൂടുതല്‍ പ്രാദേശിക ഭാഷകളില്‍ നടത്തുമെന്ന് കേന്ദ്ര വിദ്യാഭ്യാസമന്ത്രി രമേശ് പൊക്രിയാല്‍. നിലവില്‍ ഇംഗ്ലീഷ്, ഹിന്ദി, ഗുജറാത്തി ഭാഷകളില്‍ മാത്രമാണ് പരീക്ഷ നടത്തുന്നത്. അടുത്തവര്‍ഷം മുതല്‍ കൂടുതല്‍ പ്രാദേശിക ഭാഷകളില്‍ പരീക്ഷ നടത്താന്‍ ജോയിന്റ് അഡ്മിഷന്‍ ബോര്‍ഡ് തീരുമാനിച്ചു. ദേശീയ വിദ്യാഭ്യാസ നയം 2020ന്റെ ചുവടുപിടിച്ചാണ് പുതിയ പരിഷ്‌കാരം.
ജോയിന്റ് എന്‍ട്രന്‍സ് എക്‌സാമിനേഷന്‍ മെയ്ന്‍ പരീക്ഷയില്‍ അടുത്തവര്‍ഷം മുതല്‍ പരിഷ്‌കാരം വരുത്തുമെന്ന് വിദ്യാഭ്യാസമന്ത്രി രമേശ് പൊക്രിയാല്‍ ട്വിറ്ററിലൂടെയാണ് അറിയിച്ചത്. അടുത്തവര്‍ഷം മുതല്‍ കൂടുതല്‍ പ്രാദേശിക ഭാഷകളില്‍ പരീക്ഷ നടത്തും. കൂടുതല്‍ പ്രാദേശിക ഭാഷകളില്‍ പരീക്ഷ നടത്തണമെന്ന വിവിധ സംസ്ഥാനങ്ങള്‍ നിരന്തരം ആവശ്യപ്പെട്ടു വരികയാണ്. സര്‍ക്കാര്‍ കൊണ്ടുവന്ന പുതിയ വിദ്യാഭ്യാസ നയത്തിന്റെ അടിസ്ഥാനത്തിലാണ് ജോയിന്റ് എന്‍ട്രന്‍സ് എക്‌സാമിനേഷന്‍ മെയ്‌നില്‍ പരിഷ്‌കാരം വരുത്തുന്നതെന്നും വിദ്യാഭ്യാസമന്ത്രി ട്വറ്ററില്‍ സൂചിപ്പിച്ചു.
സംസ്ഥാന എന്‍ജിനീയറിംഗ് കോളജുകളിലേക്കുളള പ്രവേശനത്തിനും ഈ പരിഷ്‌കാരം നടപ്പാക്കുമെന്നും രമേശ് പൊക്രിയാല്‍ അറിയിച്ചു.ജോയിന്റ് എന്‍ട്രന്‍സ് എക്‌സാമിനേഷന്‍ മെയ്‌നിന്റെ അടിസ്ഥാനത്തില്‍ പ്രവേശനം നടത്തുന്ന കോളജുകളിലാണ് ഈ പരിഷ്‌കാരം നടപ്പാക്കുകയെന്നും മന്ത്രി അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
