ഖണ്ട് വ: മധ്യപ്രദേശിലെ ഗോത്രഗ്രാമത്തില്‍ കൈകാലുകളില്‍ ആറ് വിരലുമായി ജനിച്ച പെണ്‍കുഞ്ഞിന്റെ വിരലുകള്‍ അമ്മ മുറിച്ചുമാറ്റി. രക്തസ്രാവം മൂലം മണിക്കൂറുകള്‍ക്കുള്ളില്‍ കുട്ടി മരിച്ചു. കുട്ടി വിവാഹിതയാകുന്നതിന് അധികവിരലുകള്‍ തടസ്സമാകുമെന്ന് ഭയന്നാണ് അമ്മ വിരലുകള്‍ മുറിച്ചുമാറ്റിയതെന്ന് പൊലീസ് പറഞ്ഞു.അന്ധവിശ്വാസവും ഇതിന് പ്രേരിപ്പിച്ചെന്ന് റിപ്പോര്‍ട്ടുണ്ട്. സ്ത്രീയെ അറസ്റ്റു ചെയ്തിട്ടില്ല.
സുന്ദര്‍ദേവ് ഗ്രാമത്തില്‍ താരാഭായ് എന്ന സ്ത്രീക്ക് ഡിസംബര്‍ 22നാണ് ഇരുകൈകളിലും കാലുകളിലും ആറ് വിരലുകളുമായി കുഞ്ഞ് ജനിച്ചത്. തുടര്‍ന്ന് താരാഭായ് കുഞ്ഞിന്റെ നാല് വിരലുകള്‍ മുറിച്ചുമാറ്റി മുറിവുകളില്‍ ചാണകം തേച്ചു. കുഞ്ഞുമരിച്ചതോടേ മൃതദേഹം കുഴിച്ചുമൂടുകയും ചെയ്തു. മാധ്യമങ്ങളില്‍ വാര്‍ത്ത വന്നതിന് പിന്നാലെ പരിശോധനയ്ക്കായി മൃതദേഹം പുറത്തെടുത്തിട്ടുണ്ടെന്ന് ഔദ്യോഗിക വൃത്തങ്ങള്‍ അറിയിച്ചു. പോസ്റ്റ് മോര്‍ട്ടം നടത്തിയെന്നും ഫലം വന്ന ശേഷം അടുത്ത നടപടിയിലേക്ക് കടക്കുമെന്നും എസ് പി പറഞ്ഞു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
