ന്യൂഡല്‍ഹി : ആന്ധ്രപ്രദേശിന് പ്രത്യേക പദവി നല്‍കണമെന്ന ആവശ്യവുമായി ടിഡിപി എംപി നരമള്ളി ശിവപ്രസാദ് നടത്തുന്ന സമരങ്ങള്‍ വേറിട്ടതാണ്. ഓരോദിനവും ഓരോ വേഷം ധരിച്ചാണ് ശിവപ്രസാദിന്റെ സമരം. ഇദ്ദേഹത്തിന്റെ ഫാന്‍സി ഡ്രസ് പ്രതിഷേധം മറ്റ് എംപിമാര്‍ക്കും കൗതുകമാണ്. പരമശിവന്‍, നാദരമുനി, ശ്രീകൃഷ്ണന്‍, ശ്രീരാമന്‍ തുടങ്ങി ഹിറ്റ്‌ലര്‍ വരെയായിട്ടുണ്ട് ശിവപ്രസാദ്.
അന്തരിച്ച പ്രശസ്ത സിനിമാതാരവും തമിഴ്‌നാട് മുന്‍ മുഖ്യമന്ത്രിയുമായ എംജി രാമചന്ദ്രന്റെ വേഷത്തിലാണ് ഇന്ന് ശിവപ്രസാദ് പാര്‍ലമെന്റിലെത്തിയത്. കഴിഞ്ഞ ദിവസങ്ങളില്‍ ഇദ്ദേഹം മജീഷ്യനായും, സ്‌കൂള്‍ വിദ്യാര്‍ത്ഥിയായും, പെണ്‍വേഷം കെട്ടിയും പാര്‍ലമെന്റംഗങ്ങളെ അമ്പരപ്പിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
