അമ്മക്കൊപ്പം ഉറങ്ങിക്കിടന്ന നവജാത ശിശുവിനെ കുരങ്ങന്‍ എടുത്തുകൊണ്ട് പോയി
ഒഡിഷ: അമ്മയുടെ അടുത്ത് ഉറങ്ങിക്കിടന്ന 16 ദിവസം മാത്രം പ്രായമുള്ള പിഞ്ചുകുഞ്ഞിനെ കുരങ്ങന്‍ തട്ടിക്കൊണ്ടുപോയി. ഒഡിഷയിലെ കട്ടക് ജില്ലയില്‍ തലാബസ്ത ഗ്രാമത്തിലാണ് സംഭവം. സംഭവത്തെത്തുടര്‍ന്ന് പൊലീസും വനപാലകരും കാട്ടില്‍ ഊര്‍ജിതമായി തിരച്ചില്‍ തുടരുകയാണ്.
ഉറക്കത്തില്‍ ഞെട്ടിയുണര്‍ന്ന യുവതി, തന്റെ കുഞ്ഞിനെ എടുത്തുകൊണ്ട് കുരങ്ങന്‍ ഓടിപ്പോകുന്നത് കാണുകയായിരുന്നു. യുവതി കരഞ്ഞ് ബഹളം വെച്ച് ആളുകള്‍ എത്തിയപ്പോഴേക്കും കുരങ്ങന്‍ ഇവരുടെ കണ്‍മുന്നില്‍ നിന്നും മറഞ്ഞിരുന്നു. സ്ഥലത്ത് ഓടിക്കൂടിയ നാട്ടുകാരാണ് അധികൃതരെ അറിയിച്ചത്. പൊലീസിനൊപ്പം അഗ്‌നിശമനസേനയും വനംവകുപ്പ് ഉദ്യോഗസ്ഥരും കാട്ടിനുള്ളില്‍ തിരച്ചല്‍ നടത്തുകയാണ്. നാട്ടുകാരും ഉദ്യോഗസ്ഥരും കടുത്ത ആശങ്കയിലാണ്.
വനംവകുപ്പിന്റെ 30 ജീവനക്കാര്‍ മൂന്ന് സംഘങ്ങളായി തിരിഞ്ഞാണ് കാട്ടില്‍ തിരച്ചില്‍ നടത്തുന്നതെന്ന് ദമാപദ ഫോറസ്റ്റ് ഓഫീസര്‍ സംഗ്രം കേസരി മൊഹന്തി പറഞ്ഞു. കട്ടക്കില്‍ കുരങ്ങുകളുടെ ആക്രമണം വളരെ രൂക്ഷമാണെന്ന് നേരത്തെ പ്രദേശവാസികള്‍ പരാതിപ്പെട്ടിരുന്നു. എന്നാല്‍ വനംവകുപ്പ് ഉദ്യോഗസ്ഥര്‍ ഇത് കാര്യമാക്കിയിരുന്നില്ലെന്നാണ് ഇവരുടെ പരാതി. വനംവകുപ്പ് ഉദ്യോഗസ്ഥര്‍ നടപടി സ്വീകരിക്കാത്തതിനാലാണ് കുരുങ്ങുകള്‍ നാട്ടിലേയ്ക്ക് ഇറങ്ങി ആക്രമണം നടത്തുന്നതെന്നും നാട്ടുകാര്‍ ആരോപിക്കുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
