ചെന്നൈ: കാണാതായ 11 വയസ്സുകാരനെ ചവറുക്കൂമ്പാരത്തിലെ കുഴിയില്‍ മരിച്ചനിലയില്‍ കണ്ടെത്തി.ഡിസംബര്‍ മൂന്നിനാണ് കുട്ടിയെ കാണാതായത്. അമ്മയില്‍ നിന്ന് 10 രൂപ വാങ്ങി വീട്ടില്‍ നിന്ന് ഇറങ്ങിയ കുട്ടിയെ കാണാതായി എന്ന് കാണിച്ച് മാതാപിതാക്കള്‍ പൊലീസില്‍ പരാതി നല്‍കിയിരുന്നു.
തമിഴ്‌നാട്ടിലെ ട്രിച്ചിയിലാണ് സംഭവം. അബ്ദുള്‍ വഹാബ് എന്ന പതിനൊന്നുകാരന്റെ മൃതദേഹമാണ് ചവര്‍ക്കൂമ്പാരത്തിലെ കുഴിയില്‍ കണ്ടെത്തിയത്. കുട്ടിയെ കാണാതായെന്നുളള വീട്ടുകാരുടെ പരാതിയില്‍ പതിനൊന്നുകാരന്റെ കൂട്ടുകാരെ കേന്ദ്രീകരിച്ചാണ് അരിയമംഗലം പൊലീസ് അന്വേഷണം ആരംഭിച്ചത്.കുട്ടിയുടെ നാലു കൂട്ടുകാരില്‍ രണ്ടുപേര്‍ പ്രായപൂര്‍ത്തിയാവാത്തവരും മറ്റു രണ്ടുപേര്‍ 18ഉം 19ഉം വയസ്സ് പ്രായമുളളവരുമാണ്.ഇവര്‍ക്ക് പ്രദേശത്തെ ചില പെറ്റിക്കേസുകളുമായി ബന്ധമുണ്ട്. ഇവരെ ചോദ്യം ചെയ്തതിന്റെ അടിസ്ഥാനത്തിലാണ് കുട്ടിയുടെ മൃതദേഹം കണ്ടെത്തിയത്.
ട്രിച്ചി കോര്‍പ്പറേഷന്റെ ചവറുക്കൂമ്പാരത്തില്‍ 15 അടി താഴ്ചയുളള കുഴിയിലാണ് കുട്ടിയുടെ മൃതദേഹം കണ്ടെത്തിയത്. അബ്ദുള്‍ വഹാബിന്റെ കൂട്ടുകാരെ ചോദ്യം ചെയ്തുവരുന്നു. കുട്ടിയുടെ മരണ കാരണം അന്വേഷിച്ചുവരികയാണെന്ന് പൊലീസ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
