അമ്മയോടൊപ്പം ഉറങ്ങിക്കിടന്ന നാലുവയസ്സുകാരിയെ അര്‍ധരാത്രിയില്‍ തട്ടിക്കൊണ്ടുപോകാന്‍ ശ്രമം;  അക്രമി അറസ്റ്റില്‍; വീഡിയോ വൈറല്‍

ലുധിയാന:  അമ്മയോടൊപ്പം ഉറങ്ങി കിടക്കുകയായിരുന്ന നാലുവയസ്സുകാരിയെ തട്ടിക്കൊണ്ടുപോകാന്‍ ശ്രമം. പഞ്ചാബിലെ ലുധിയാനയിലാണ് സംഭവം. കൃത്യസമയത്ത് അമ്മ ഉണര്‍ന്നതിനാലാണ് അക്രമിയില്‍ നിന്നും കുട്ടിയെ രക്ഷപ്പെടുത്താന്‍ കഴിഞ്ഞത്. അക്രമിയെ പൊലീസ് അറസ്റ്റ് ചെയ്തതായാണ് റിപ്പോര്‍ട്ടുകള്‍.

ദേശീയ വാര്‍ത്ത ഏജന്‍സിയായ എഎന്‍ഐയാണ് കുട്ടിയെ തട്ടിക്കൊണ്ടുപോകാന്‍ ശ്രമിക്കുന്ന ദൃശ്യങ്ങള്‍ പുറത്തുവിട്ടത്. ഇതിന് പിന്നാലെ ഇതിന്റെ ദൃശ്യങ്ങള്‍  സമൂഹമാധ്യമങ്ങില്‍ വൈറലാണ്. 

വീടിന് പുറത്താണ് കുഞ്ഞും അമ്മയും കുടുംബവും കിടന്നുറങ്ങിയത്. സൈക്കിളിലെത്തിയ അക്രമി കുട്ടിയെ ചാക്കില്‍ കയറ്റുന്നതിനിടെ അമ്മ ഉണരുകയായിരുന്നു. അക്രമിയുടെ കൈയില്‍ നിന്നും അമ്മ കുഞ്ഞിനെ പിടിച്ചുവാങ്ങുമ്പോഴെക്കും കള്ളന്‍ സ്ഥലം വിട്ടിരുന്നു.