'അമ്മയ്ക്കുള്ള കത്തുകള്‍', മോദിയുടെ പുസ്തകം അടുത്തമാസം പുറത്തിറങ്ങും 

ന്യൂഡല്‍ഹി: പ്രധാനമന്ത്രി നരേന്ദ്ര മോദിയുടെ 'അമ്മയ്ക്കുള്ള കത്തുകള്‍' എന്ന പുസ്തകം അടുത്ത മാസം പുറത്തിറങ്ങും. പുസ്തക രൂപത്തിലും ഇ-ബുക്ക് ആയും പുസ്തകം പുറത്തിറങ്ങും. ചലച്ചിത്ര നിരൂപക ഭാവന സോമയ്യ ആണ് പുസ്തകം വിവര്‍ത്തനം ചെയ്തിരിക്കുന്നത്. ഹാര്‍പ്പര്‍കോളിന്‍സ് ആണ് പ്രസിദ്ധീകരിക്കുന്നത്. 

ചെറുപ്പം മുതല്‍ എന്നും രാത്രി  'ജഗത് ജനനി'യായ മാതാവിന് കത്തെഴുതുന്ന ശീലം മോദിക്കുണ്ടായിരുന്നു. ഏതാനും മാസം കൂടുമ്പോള്‍ ഈ കത്തുകള്‍ കത്തിച്ചുകളയുന്നതാണ് പതിവ്.  ഇത്തരത്തിലുള്ള ഒരു ഡയറി മാത്രമാണ് ബാക്കിയായത്. 1986ലെ ഈ ഡയറിയിലെഴുതിയിരിക്കുന്ന കത്തുകളാണ് ഇപ്പോള്‍ പുസ്തകരൂപത്തില്‍ പുറത്തുവരുന്നത്. ഇതൊരു സാഹിത്യരചനയ്ക്കുള്ള ശ്രമമല്ലെന്നും തന്റെ നിരീക്ഷണങ്ങളുടെയും ചിന്തകളുയുടെയും പ്രതിഫലനങ്ങളാണ് പുസ്തകത്തിലുള്ളതെന്നുമാണ് മോദിയുടെ വാക്കുകൾ.