ന്യൂഡല്ഹി: അയല് രാജ്യങ്ങള്ക്ക് ഇന്ത്യയുടെ സമ്മാനമായി നരേന്ദ്ര മോദി പ്രഖ്യാപിച്ച സൗത്ത് ഏഷ്യ സാറ്റ്ലൈറ്റ് ഐഎസ്ആര്ഒ മെയില് വിക്ഷേപിക്കും. ദക്ഷിണ ഏഷ്യന് രാജ്യങ്ങള്ക്ക് ഉപകാരപ്രദമാകുന്ന കമ്യൂണിക്കേഷന് സാറ്റ്ലൈറ്റാണ് ഇന്ത്യ വിക്ഷേപിക്കാന് ഒരുങ്ങുന്നത്.
എന്നാല് പാക്കിസ്ഥാന് ഈ പദ്ധതിയില് പങ്കാളിയല്ലെന്ന് ഐഎസ്ആര്ഒ ചെയര്മാന് എ.എസ്.കിരണ് കുമാര് വ്യക്തമാക്കി. മെയ് 5ന് ജിസാറ്റ്-9(GSAT-9) ഭ്രമണപഥത്തിലെത്തിക്കാനാണ് ഐഎസ്ആര്ഒ ലക്ഷ്യമിടുന്നത്. ജിഎസ്എല്വി-09 റോക്കറ്റില് ശ്രീഹരിക്കോട്ടയില് നിന്നായിരിക്കും വിക്ഷേപണം. 12 വര്ഷമാണ് ഉപഗ്രഹത്തിന്റെ ആയുസ്.
2014ല് കാഠ്മണ്ഡുവില് നടന്ന സാര്ക് സമ്മിറ്റിലായിരുന്നു അയല് രാജ്യങ്ങള്ക്ക് സമ്മാനമായി ഇന്ത്യ ഉപഗ്രഹം വിക്ഷേപിക്കുമെന്ന് നരേന്ദ്ര മോദി പ്രഖ്യാപിച്ചത്. ആദ്യം സാര്ക് സാറ്റ്ലൈറ്റ് എന്നായിരുന്നു ഇതിന് പേരിട്ടതെങ്കിലും പിന്നീട് സൗത്ത് ഏഷ്യന് സാറ്റ്ലൈറ്റെന്ന് മാറ്റുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
