മുംബൈ: റിപ്പബ്ലിക്ക് ടിവി എഡിറ്റര് ഇന് ചീഫ് അര്ണബ് ഗോസ്വാമിയെ അറസ്റ്റ് ചെയ്ത് മുംബൈ പൊലീസ്. മുബൈയിലെ വീട്ടില് നിന്നാണ് അര്ണബിനെ അറസ്റ്റ് ചെയ്തത്.
തന്നെ പൊലീസ് കയ്യേറ്റം ചെയ്തതായി അര്ണബ് ആരോപിച്ചു. 2018ലെ 53കാരനായ ഇന്റീരിയര് ഡിസൈനര് ആന്വി നായിക്കിന്റേയും അദ്ദേഹത്തിന്റെ അമ്മയുടേയും ആത്മഹത്യയുമായി ബന്ധപ്പെട്ട കേസിലാണ് അര്ണബിനെ ഇപ്പോള് അറസ്റ്റ് ചെയ്തിരിക്കുന്നത്. ഗോസ്വാമിയും മറ്റ് രണ്ട് പേരും തനിക്ക് നല്കാനുള്ള 5.40 കോടി രൂപ നല്കിയില്ലെന്നും ഇതാണ് സാമ്പത്തിക പ്രയാസത്തിലേക്ക് തന്നെ നയിച്ചത് എന്നും ആത്മഹത്യാ കുറിപ്പില് പറഞ്ഞിരുന്നു.
അറസ്റ്റിലായ അര്ണബിനെ ആലിബാഗിലേക്ക് കൊണ്ടുപോവും. കസ്റ്റഡിയില് എടുക്കുന്നതിന് വേണ്ട രേഖകള് ഉള്പ്പെടെ പൊലീസിന്റെ പക്കല് ഇല്ലെന്ന് റിപ്പബ്ലിക് ടിവി ആരോപിക്കുന്നു. ടിആര്പി റേറ്റിങ്ങില് കൃത്രിമം നടത്തിയതുമായി ബന്ധപ്പെട്ട കേസില് അന്വേഷണം നടക്കുന്നതിന് ഇടയിലാണ് അര്ണബ് അറസ്റ്റിലായത്. സുശാന്ത് സിങ് രജപുത്തിന്റെ മരണവുമായി ബന്ധപ്പെട്ട് മഹാരാഷ്ട്ര മുഖ്യമന്ത്രി ഉദ്ധവ് താക്കറയെ കുറിച്ച് വന്ന പരാമര്ശങ്ങളുടെ പേരില് അര്ണബിന് എതിരെ മഹാരാഷ്ട്ര ലെജിസ്ലേറ്റീവ് അസംബ്ലി കാരണം കാണിക്കല് നോട്ടീസ് നല്കിയിരുന്നു. ഇതിനെതിരെ അര്ണബ് നല്കിയ ഹര്ജി നവംബര് 16ന് പരിഗണിക്കുമെന്ന് തിങ്കളാഴ്ച സുപ്രീംകോടതി വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
