ഭുവനേശ്വര്‍: കോവിഡ് 19 ബാധിച്ച് മരണത്തിന് കീഴടങ്ങുന്ന ആരോഗ്യപ്രവര്‍ത്തകരുടെ കുടുംബത്തിന് കൈത്താങ്ങുമായി ഒഡീഷ സര്‍ക്കാര്‍. അന്‍പത് ലക്ഷം രൂപ ധനസഹായമെന്ന് നല്‍കുമെന്ന് മുഖ്യമന്ത്രി നവീന്‍ പട്‌നായിക്‌ പറഞ്ഞു.
പൊതു-സ്വകാര്യമേഖല എന്നീ വ്യത്യാസമില്ലാതെ എല്ലാ ആരോഗ്യപ്രവര്‍ത്തകര്‍ക്കും ഈ ധനസഹായത്തിന് അര്‍ഹതയുണ്ടെന്ന് അദ്ദേഹം പറഞ്ഞു. അവരെ രക്തസാക്ഷികളായാണ് കാണുക. അവര്‍ക്ക് സംസ്ഥാന ബഹുമതികളോടെ അന്ത്യോപചാരം അര്‍പ്പിക്കുമെന്നും അദ്ദേഹം പറഞ്ഞു. അവരുടെ ത്യാഗസന്നദ്ധമായ പ്രവര്‍ത്തനങ്ങളുടെ ഭാഗമായി അവരുടെ പേരില്‍ അവാര്‍ഡുകള്‍ പ്രഖ്യാപിക്കുമെന്നും ദേശീയ ദിനത്തില്‍ ഇവരെ ആദരിക്കുമെന്നും മുഖ്യമന്ത്രി പറഞ്ഞു.
ഇത് കൂടാതെ മരിച്ചവരുടെ കുടുംബാംഗങ്ങള്‍ക്ക് അവര്‍ വിരമിക്കുന്നതുവരെയുള്ള ശമ്പളം നല്‍കുമെന്നും അദ്ദേഹം കൂട്ടിച്ചേര്‍ത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
