ന്യൂഡല്ഹി: ഡല്ഹിയില് ആംആദ്മി പാര്ട്ടി സര്ക്കാരിന് എതിരായ സമരത്തില് അണിചേരാന് അണ്ണാ ഹസാരെയെ ക്ഷണിച്ച് ബിജെപി. അരവിന്ദ് കെജരിവാളിന്റെ നേതൃത്വത്തിലുള്ള സര്ക്കാര് സാമ്പത്തിക, രാഷ്ട്രീയ, സാമൂഹിക അഴിമതിയുടെ പുതിയ പേരായി മാറിക്കഴിഞ്ഞെന്ന് അണ്ണാ ഹസാരെയ്ക്ക അയച്ച കത്തില് ഡല്ഹി ബിജെപി ഘടകം അധ്യക്ഷന് ആദേശ് ഗുപ്ത ആരോപിച്ചു.
അഴിമതിക്കെതിരായ ഭരണം എന്ന പേരു പറഞ്ഞ് അധികാരത്തില് വന്ന കെജരിവാള് സര്ക്കാര് എല്ലാ രാഷ്ട്രീയ ധാര്മികതയും കാറ്റില് പറത്തുകയാണ്. ഫെബ്രുവരിയില് ഉണ്ടായ ഡല്ഹി കലാപം ആസൂത്രണം ചെയ്തത് സര്ക്കാരാണെന്ന് കത്തില് ആരോപിക്കുന്നു.
കത്തിനെക്കുറിച്ച് ആംആദ്മി പാര്ട്ടി പ്രതികരിച്ചിട്ടില്ല. അഴിമതിയുടെ പേരില് ബിജെപി ഭരിക്കുന്ന നഗര ഭരണകൂടങ്ങള്ക്കെതിരെ ആംആദ്മി പാര്ട്ടി പ്രചാരണം അഴിച്ചുവിട്ട ഘട്ടത്തിലാണ് ബിജെപി പുതിയ പോര്മുഖം തുറക്കുന്നത്. അഴിമതി വിരുദ്ധ പോരാട്ടത്തിന്റെ നായകനായ അണ്ണാ ഹസാരെയെ മുന്നില് നിര്ത്തി ആംആദ്മിയെ നേരിടാനാണ് പാര്ട്ടി നീക്കമെന്നാണ് റിപ്പോര്ട്ടുകള്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
