ന്യൂഡല്‍ഹി: രാജ്യത്തെ പൗരന്‍മാരുടെ ആദാര്‍ വിവരങ്ങള്‍ അമേരിക്കന്‍ ചാരസംഘടന സിഐഎ ചോര്‍ത്തിയെന്ന വെളിപ്പെടുത്തലുമായി വിക്കിലീക്‌സ്. വ്യാഴാഴ്ചയാണ് ഇിതുസംബന്ധിച്ച വിവരങ്ങള്‍ വിക്കിലീക്‌സ് പുറത്തുവിട്ടത്.
ആധാര്‍ ആദ്യ ഘട്ടത്തില്‍ വിതരണം ചെയ്ത അമേരിക്കയിലെ ക്രോസ് മാച്ച് ടെക്‌നോളജീസിലൂടെയാണ് സിഐഎ സൈബര്‍ ചാര പ്രവര്‍ത്തനത്തിനായി ആധാര്‍ വിവരങ്ങള്‍ ചോര്‍ത്തിയതെന്നാണ് റിപ്പോര്‍ട്ട്.ആധാറിനായി വിരലടയാളമടക്കമുള്ള ബയോമെട്രിക് സ്‌കാനിംഗ് സംവിധാനം ക്രോസ് മാച്ച് ടെക്‌നോളജീസിലൂടെയാണ് ശേഖരിച്ചിരുന്നത്.
എന്നാല്‍ യുഐഡിഎഐ അധികൃതര്‍ ഇക്കാര്യം നിഷേധിച്ചു. ആധാര്‍ വിവരങ്ങള്‍ പൂര്‍ണമായും സുരക്ഷിതമാണെന്നും റിപ്പോര്‍ട്ടില്‍ വസ്തുതയില്ലെന്നും അധികൃതര്‍ പറയുന്നു.
ആധാര്‍ പൗരന്‍മാരുടെ സ്വകാര്യതയെ ബാധിക്കും എന്ന ചര്‍ച്ച സജീവമായി നില്‍ക്കുന്ന സന്ദര്‍ഭത്തിലാണ് വിക്കിലീക്‌സ് വിവരങ്ങള്‍ പുറത്തുവിട്ടിരിക്കുന്നത്. മുമ്പും ആധാര്‍ വിവരങ്ങള്‍ ചോര്‍ന്നുവെന്ന പേരില്‍ നിരവധി വാര്‍ത്തകള്‍ വന്നിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
