ചെന്നൈ: തമിഴ്നാട്, ആന്ധ്രാപ്രദേശ് സംസ്ഥാനങ്ങളില് കോവിഡ് വ്യാപനം ശമനമില്ലാതെ തുടരുന്നു. ആന്ധ്രയില് ഇന്നും പതിനായിരത്തിലധികം പേര്ക്ക് വൈറസ് ബാധ സ്ഥിരീകരിച്ചു. 10,776 പേര്ക്കാണ് സംസ്ഥാനത്ത് ഇന്ന് രോഗം കണ്ടെത്തിയത്. തമിഴ്നാട്ടില് 5,976പേര്ക്ക് രോഗം സ്ഥിരീകരിച്ചെന്നാണ് ആരോഗ്യ വകുപ്പിന്റെ കണക്കുകള്.
ആന്ധ്രയില് കോവിഡ് മുക്തി നേടിയവരുടെ എണ്ണം ഇന്ന് 12,334 ആണ്. രോഗബാധിതരുടെ എണ്ണത്തേക്കാള് കൂടുതലാണ് ഇതെന്നത് ആശ്വാസകരമാണ്. 24 മണിക്കൂറിനിടെ 76 മരണങ്ങള് സംസ്ഥാനത്ത് ഉണ്ടായപ്പോള് കോവിഡ് മരണസംഘ്യ 4,276 ആയി ഉയര്ന്നു. സംസ്ഥാനത്തെ ആകെ രോഗബാധിതരുടെ എണ്ണം 4,76,506 ആണ് ഇതില് 3,70,163 പേര് രോഗമുക്തരായി. നിലവില് 1,02,067 ആക്ടീവ് കേസുകളാണ് സംസ്ഥാനത്തുള്ളത്.
തമിഴ്നാട്ടില് ആക്ടീവ് കേസുകളുടെ എണ്ണം 51,633 ആണ്. 24 മണിക്കൂറിനിടെ സംസ്ഥാനത്ത് 79 മരണങ്ങള് റിപ്പോര്ട്ട് ചെയ്തപ്പോള് ആകെ മരണസംഘ്യ 7,687 ആയി ഉയര്ന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
