ഭോപ്പാല്‍: ആര്‍എസ്ആസ് ആസ്ഥാനത്തിന്റെ സുരക്ഷ പിന്‍വലിച്ച കോണ്‍ഗ്രസ് സര്‍ക്കാരിന്റെ നടപടിയ്‌ക്കെതിരെ മധ്യപ്രദേശിലെ മുതിര്‍ന്ന കോണ്‍ഗ്രസ് നേതാവും മുന്‍മുഖ്യമന്ത്രിയുമായ ദിഗ് വിജയ് സിങ് രംഗത്ത്. എത്രയും പെട്ടെന്ന് ആസ്ഥാനത്തിന് സുരക്ഷാ സംവിധാനങ്ങള്‍ ഒരുക്കണമെന്നു ദിഗ് വിജയ്‌സിങ് മുഖ്യമന്ത്രി കമല്‍നാഥിനോട് ആവശ്യപ്പെട്ടു.
ആര്‍എസ്എസ് ആസ്ഥാനത്തിന്റെ സുരക്ഷ പിന്‍വലിച്ച നടപടി നീതിയുക്തമല്ല. അതുകൊണ്ട് എത്രയും വേഗത്തില്‍ ആവശ്യമായ നടപടികള്‍ കൈക്കൊണ്ട് സുരക്ഷ പുനസ്ഥാപിക്കണമെന്ന് അദ്ദേഹം മുഖ്യമന്ത്രിയോട് അഭ്യര്‍ത്ഥിച്ചു. ഇന്നലെ രാത്രിയാണ് ആര്‍എസ്എസ് ആസ്ഥാനത്തിനുള്ള സുരക്ഷ പിന്‍വലിക്കാന്‍ സര്‍ക്കാര്‍ തീരുമാനിച്ചത്. ഇതിനെതിരെ ആര്‍എസ്എസ് ബിജെപി നേതാക്കള്‍ രംഗത്തെത്തിയിരുന്നു.
ഭോപ്പാല്‍ ലോക്‌സഭാ മണ്ഡലത്തില്‍ ദിഗ്‌വിജയ് സിങാണ് കോണ്‍ഗ്രസ് സ്ഥാനാര്‍ത്ഥിയായി മത്സരിക്കുന്നത്. മൂന്ന് പതിറ്റാണ്ടായി ബിജെപിയുടെ കുത്തക മണ്ഡലമാണ് ഭോപ്പാല്‍. സുരക്ഷയൊരുക്കണമെന്ന കോണ്‍ഗ്രസ് നേതാവിന്റെ ആവശ്യത്തിന് പിന്നാല്‍ ഭോപ്പാല്‍ മണ്ഡലത്തില്‍ തോല്‍ക്കുമെന്ന ഭയത്തിന്റെ ഭാഗമാണെന്ന് ബിജെപി വക്താവ് ലോകേന്ദ്ര പരാശര്‍ പറഞ്ഞു. ആര്‍എസ്എസിന്റെ രാജ്യത്തെ പ്രധാന ആസ്ഥാനമാണ് ഭോപ്പാലിലെ ഓഫീസ്. സംഘടനയുടെ സുപ്രധാനമായ യോഗങ്ങളെല്ലാം ഇവിടെയാണ് നടക്കാറുള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
