ആശ്വാസം; ആദായ നികുതി റിട്ടേൺ ഫയൽ ചെയ്യാനുള്ള അവസാന തീയതി നീട്ടി

ന്യൂഡൽഹി: 2019-2020 സാമ്പത്തിക വർഷത്തെ ആദായ നികുതി റിട്ടേൺ ഫയൽ ചെയ്യാനുള്ള അവസാന തീയതി നീട്ടി. 2020 ഡിസംബർ 31 വരെയാണ് സമയം നീട്ടി നൽകിയത്. നേരത്തെ നവംബർ 30-നകം റിട്ടേൺ ഫയൽ ചെയ്യണമെന്നായിരുന്നു നിർദേശം. 

അവസാന തീയതി നീട്ടിയതോടെ നികുതിദായകർക്ക് ഒരു മാസം കൂടി അധിക സമയം ലഭിക്കും. കോവിഡ് വ്യാപനം കണക്കിലെടുത്ത് നേരത്തെ പല തവണകളായി റിട്ടേൺ ഫയൽ ചെയ്യാനുള്ള സമയം നീട്ടി നൽകിയിരുന്നു. ഇതിന് പിന്നാലെയാണ് വീണ്ടും ‍ഡിസംബർ 31 വരെ സമയം നീട്ടിയത്.