ചണ്ഡിഗഡ്: പഞ്ചാബ്- പാകിസ്ഥാന്‍ അതിര്‍ത്തിയില്‍ നിന്നും ഡ്രോണ്‍ കണ്ടെത്തി. അട്ടാരി എന്ന സ്ഥലത്ത് നിന്നാണ് ഡ്രോണുകള്‍ കണ്ടെത്തിയത്. പാകിസ്ഥാനില്‍ നിന്നും ഇന്ത്യയിലേക്ക് ഡ്രോണ്‍ ഉപയോഗിച്ച് ആയുധം കടത്തിയ സംഭവത്തിലെ തുടരന്വേഷണത്തിലാണ് കൂടുതല്‍ വിവരങ്ങള്‍ കിട്ടിയത്.
കേസിന്റെ ഭാഗമായി കഴിഞ്ഞ ദിവസം പിടിയിലായ ആകാശ് ദീപാണ് ഡ്രോണ്‍ വീണസ്ഥലം കാണിച്ച് കൊടുത്തത്. സാങ്കേതിക തകരാറ് മൂലം ഡ്രോണ്‍ പാകിസ്ഥാനിലേക്ക് കൊണ്ടുപോകാന്‍ സാധിച്ചില്ല. ഇതേ തുടര്‍ന്ന് അട്ടാരി അതിര്‍ത്തിയിലുള്ള ഗ്രാമത്തിലെ വയലില്‍ ഡ്രോണ്‍ ഒളിപ്പിക്കുകയായിരുന്നു.
പാകിസ്ഥാനുമായി അതിര്‍ത്തി പങ്കിടുന്ന തരണ്‍ ജില്ലയില്‍ അഞ്ച് എകെ 47 റൈഫിളുകള്‍, കൈത്തോക്കുകള്‍, സാറ്റലൈറ്റ് ഫോണുകള്‍, ഗ്രനേഡുകള്‍, പത്തു ലക്ഷം രൂപയുടെ കള്ളനോട്ട് എന്നിവയാണു ഡ്രോണ്‍ നിക്ഷേപിച്ചത്. കശ്മീരില്‍ ഭീകരാക്രമണം നടത്താനാണ് ഇവ എത്തിച്ചതെന്ന് പൊലീസ് ഉദ്യോഗസ്ഥര്‍ പറഞ്ഞു.
പത്ത് കിലോഗ്രാം ഭാരമുള്ള വസ്തു വഹിക്കാന്‍ ശേഷിയുള്ള ഡ്രോണുകള്‍ എട്ടുതവണ അതിര്‍ത്തി ലംഘിച്ചെന്നാണ് കരുതുന്നത്. ഇതോടെ നിയന്ത്രണ രേഖ യിലും ഇന്ത്യപാക് അതിര്‍ത്തിയിലും സൈന്യവും ബിഎസ്എഫും റെഡ് അലര്‍ട്ട് പ്രഖ്യാപിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
