പ്രയാഗ്‌രാജ്: ബിരുദ വിദ്യാര്‍ഥിനിയെ കൂട്ടബലാത്സംഗം ചെയ്ത ശേഷം ഒളിവില്‍ പോയ ബിജെപി - യുവമോര്‍ച്ച നേതാവ് ശ്യാം പ്രകാശ് ദ്വിവേദി അറസ്റ്റില്‍. വാരാണസിക്കടതുത്ത ബക്ഷിഡാമിന് സമീപത്തുവച്ചാണ് പ്രതിയെ പൊലീസ് പിടികൂടിയത്. കേസിലെ മറ്റൊരുപ്രതി അനിലിനെ പൊലീസ് നേരത്തെ പിടികൂടിയിരുന്നു.
ആഴ്ചകള്‍ക്ക് മുന്‍പ് ശ്യാം പ്രകാശ് ദ്വിവേദിയും അനില്‍ ദ്വിവേദിയും ചേര്‍ന്ന് കൂട്ടബലാത്സംഗം ചെയ്തതായി ബിഎ വിദ്യാര്‍ത്ഥിനി ആരോപിച്ചിരുന്നു. തന്നെ ഹോട്ടലിലേക്ക് കൊണ്ടുപോയ സുഹൃത്തിനൊപ്പം ചേര്‍ന്ന് ബലാത്സംഗം ചെയ്യുകയായിരുന്നെന്നാണ് യുവതിയുടെ പരാതി.
നേരത്തെയും പെണ്‍കുട്ടിയുടെ വീട്ടില്‍ എത്തി ഇവര്‍ മോശമായി പെരുമാറിയിരുന്നു. ഇത് പുറത്തുപറഞ്ഞാല്‍ കൊല്ലുമെന്ന് ഇവര്‍ ഭീഷണിപ്പെടുത്തയതായും പെണ്‍കുട്ടി പറയുന്നു. പെണ്‍കുട്ടിയുടെ പരാതിയുടെ അടിസ്ഥാനത്തില്‍ കേണല്‍ഗഞ്ച് പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.
പീഡനത്തിനിരയായ പെണ്‍കുട്ടിയുടെ വൈദ്യപരിശോധനയും മജിസ്‌ട്രേറ്റിന്റെ സാന്നിധ്യത്തില്‍ അവളുടെ മൊഴി രേഖപ്പെടുത്തുകയും ചെയ്തു. കേസിലെ പ്രധാനപ്രതിയെ അറസ്റ്റ് ചെയ്യാത്തതില്‍ പ്രതിഷേധിച്ച് പ്രതിപക്ഷ പാര്‍ട്ടികള്‍ രംഗത്തെത്തിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
