ന്യൂഡല്ഹി: ഉന്നാവ് ബലാത്സംഗക്കേസില് ബിജെപി മുന് എംഎല്എ കുല്ദീപ് സിങ് സെന്ഗാര് കുറ്റക്കാരനെന്ന് കോടതി. ഡല്ഹി തീസ് ഹസാരി കോടതിയാണ് കുല്ദീപ് കുറ്റക്കാരനാണെന്ന് കണ്ടെത്തിയത്. ശിക്ഷ ഡിസംബര് 19ന് വിധിക്കും.
കേസില് കൂട്ടുപ്രതിയായിരുന്ന ശശി സിങിനെ കുറ്റവിമുക്തനാക്കി. സെന്ഗാര് ഉള്പ്പെടെ ഒമ്പത് പ്രതികളാണ് കേസിലുള്ളത്. ഇന്ത്യന് ശിക്ഷാ നിയമം 376 (ബലാത്സംഗം), പോക്സോ നിയമം എന്നിവ പ്രകാരമുള്ള കുറ്റങ്ങള് പ്രതികള് ചെയ്തതായി കോടതി പറഞ്ഞു. ജീവപര്യന്തം തടവു ശിക്ഷ വരെ ലഭിക്കാവുന്ന കുറ്റങ്ങളാണിത്. കേസില് കുറ്റപത്രം സമര്പ്പിക്കാന് വൈകിയതിന് സിബിഐയെ കോടതി വിമര്ശിച്ചു.
2017 ലാണ് സെന്ഗര് പ്രായപൂര്ത്തിയാകാത്ത പെണ്കുട്ടിയെ തട്ടിക്കൊണ്ടുപോയി ബലാല്സംഗം ചെയ്യുന്നത്. പെണ്കുട്ടി യുപി മുഖ്യമന്ത്രി യോഗി ആദിത്യനാഥിന്രെ വസതിക്ക് മുന്നില് ആത്മഹത്യാശ്രമം നടത്തിയതോടെയാണ് സംഭവം രാജ്യശ്രദ്ധയാകര്ഷിച്ചത്.
കേസില് എംഎല്എയ്ക്കെതിരെ മൊഴി നല്കിയ പെണ്കുട്ടിയെയും കുടുംബത്തെയും വാഹനാപകടത്തില് കൊല്ലാന് ശ്രമിച്ച കേസിലും കുല്ദീപ് സെന്ഗര് പ്രതിയാണ്. ജൂലൈയിലാണ് പെണ്കുട്ടിയും കുടുംബവും സഞ്ചരിച്ച കാറിലേക്ക് ട്രക്ക് ഇടിച്ചുകയറിയത്. ഉത്തര്പ്രദേശിലെ ഉന്നാവില് നടന്ന കുറ്റകൃത്യങ്ങളുടെ വിചാരണ സുപ്രീംകോടതി നിര്ദേശപ്രകാരമാണ് ഡല്ഹിയിലേക്ക് മാറ്റിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
