ന്യൂഡല്‍ഹി: ഹരിയാനയിലെ ജിന്‍ധിലും രാജസ്ഥാനിലെ രാംഗഢിലും നടന്ന ഉപതെരഞ്ഞെടുപ്പിന്റെ വോട്ടെണ്ണല്‍ തുടങ്ങി. രാംഗഢില്‍ കോണ്‍ഗ്രസ് സ്ഥാനാര്‍ഥി നിര്‍ണായക ലീഡ് നേടി മുന്നേറുന്നതായാണ് റിപ്പോര്‍ട്ടുകള്‍. ജിന്‍ധില്‍ ജന്‍നായക് ജനതാ പാര്‍ട്ടിയാണ് മുന്നില്‍.
ശക്തിയേറിയ ത്രികോണ മത്സരം നടന്ന രാംഗഢില്‍ കോണ്‍ഗ്രസ് സ്ഥാനാര്‍ഥിസുബൈര്‍ അയ്യായിരത്തിലേറെ വോട്ടിന്റെ ലീഡ് നേടിയതായി പിടിഐ റിപ്പോര്‍ട്ട് ചെയ്തു. ആകെയുള്ള 20 റൗണ്ടിലെ അഞ്ചു റൗണ്ട് വോട്ടെണ്ണല്‍ പൂര്‍ത്തിയായപ്പോഴാണ് ഇത്. ബിജെപിയിലെ സുഖ്വന്ത് സിങ് ആണ് രണ്ടാം സ്ഥാനത്ത്.
മനോഹര്‍ലാല്‍ ഖട്ടാര്‍ സര്‍ക്കാരിന്റെ ഹിതപരിശോധയെന്നു വിലയിരുത്തപ്പെടുന്ന ജിന്‍ധില്‍ കോണ്‍ഗ്രസ് സ്ഥാനാര്‍ഥി രണ്‍ദീപ് സിങ് സുര്‍ജേവാല മൂന്നാം സ്ഥാനത്താണ്. രണ്ടു റൗണ്ട് പിന്നിടുമ്പോള്‍ ജെജെപി സ്ഥാനാര്‍ഥിയാണ് ലീഡ് ചെയ്യുന്നത്. ബിജെപി രണ്ടാം സ്ഥാനത്തുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
