ഭുവനേശ്വര്‍: മാനസിക വെല്ലുവിളിനേരിടുന്ന സ്ത്രീയെയും പുരുഷനെയും നാട്ടുകാര്‍ നിര്‍ബന്ധിതമായി വിവാഹം കഴിപ്പിച്ചു. പിന്നാലെ ടിക് ടോക് വീഡിയോയും ചിത്രികരിച്ച് സാമൂഹ്യമാധ്യമങ്ങളില്‍ പ്രചരിപ്പിച്ചു. ഒഡീഷയിലെ ബാലസോറിലാണ് നാട്ടുകാരുടെ ക്രൂരവിനോദം അരങ്ങേറിയത്.
ഭിന്നശേഷിക്കാരനായ യുവാവിനെ കൊണ്ട് മാനസിക വെല്ലുവിളി നേരിടുന്ന യുവതിയെ നാട്ടുകാര്‍ നിര്‍ബന്ധിപ്പിച്ച് വിവാഹം ചെയ്യിക്കുകയായിരുന്നു. രണ്ട് പേരും ഒരേ സ്ഥലത്ത് താമസിക്കുന്നവരാണ്. എന്നാല്‍ ഇവര്‍ പരസ്പരം അറിയുന്നവരല്ല. കോളനിയില്‍ അലഞ്ഞുതിരിഞ്ഞു നടക്കുന്നതിടെ നാട്ടുകാര്‍ പിടിച്ചുനിര്‍ത്തി വിവാഹം കഴിപ്പിക്കുകയായിരുന്നു.
ഇരുവരെയും പരസ്പരം നിര്‍ബന്ധിപ്പിച്ച് മാല ചാര്‍ത്തിച്ചതിന് പിന്നാലെ വീഡിയോ ചിത്രീകരിച്ച് ടിക് ടോകില്‍ അപ് ലോഡ് ചെയ്തു. തുടര്‍ന്ന് വീഡിയോ സമൂഹമാധ്യമങ്ങളില്‍ വ്യാപകമായി പ്രചരിപ്പിക്കുകയും ചെയ്തു.
വീഡിയോ ചിത്രീകരിക്കുന്നതിനിടെ നാട്ടുകാര്‍ എന്താണ് ചെയ്യിക്കുന്നതെന്ന് പോലും മനസിലാക്കാന്‍ ഇവര്‍ക്ക് കഴിയുന്നില്ല. എന്നാല്‍ ഇതെല്ലാം കണ്ട് ആള്‍ക്കൂട്ടം ചിരിക്കുന്നതും വീഡിയോയില്‍ കാണാം. ഭിന്നശേഷിക്കാരനായ യുവാവ് ഗോപാല്‍ ബസാറില്‍ ഒരുബേക്കറിയില്‍ ജോലിക്കാരനാണ്. അതേസമയം ആ അങ്ങാടിയില്‍ സ്ഥിരമായി അലഞ്ഞുതിരിഞ്ഞു നടക്കുന്നവരാണ് യുവതി.
എന്നാല്‍ ഇത്തരം ഒരു സംഭവത്തെ കുറിച്ച് പരാതിയൊന്നും ലഭിച്ചിട്ടില്ലെന്നാണ് പൊലീസ് നല്‍കുന്ന വിശദീകരണം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
