എല്ലാ കോണ്‍ഗ്രസ് സ്ഥാനാര്‍ത്ഥികളെയും വിലക്കണമെന്ന്  ശ്രീരാമസേന

ബംഗളുരൂ: കര്‍ണാടക തെരഞ്ഞടുപ്പില്‍ മുഴുവന്‍ കോണ്‍ഗ്രസ് സ്ഥാനാര്‍ത്ഥികളെയും വിലക്കണമെന്ന് ശ്രീരാമസേനയുടെ നേതാവ് പ്രമോദ് മുത്തലിക്. കോണ്‍ഗ്രസ് നേതാക്കള്‍ മതത്തിന്റെ പേരിലാണ് വോട്ട് പിടിക്കുന്നത്. ഇതിനെതിരെ മുത്തലിക് തെരഞ്ഞടുപ്പ് കമ്മീഷന് പരാതി നല്‍കി

കോണ്‍ഗ്രസ് നേതാക്കളായ ഗുലാംനബി ആസാദ്, മല്ലികാര്‍ജ്ജുന്‍ ഖാര്‍ഗെ എന്നിവര്‍ക്കെതിരെയും മുത്തലിക് രംഗത്തെത്തി.നേരത്തെ സമാനമായ രീതിയിലാണ് കോണ്‍ഗ്രസ് വോട്ട് പിടിക്കുന്നതെന്ന് കേന്ദ്രമന്ത്രി നിതിന്‍ ഗഡ്കരിയും രംഗത്തെത്തിയിരുന്നു. തെരഞ്ഞടുപ്പിന് ആഴ്ചകള്‍ മാത്രം അവശേഷിക്കെ ഇരുപാര്‍ട്ടികളും തമ്മിലുള്ള വാക് പോര് സജീവമാണ്.