മംഗളൂരു : ഒടുവില് മണ്സൂണ് മഴയെത്തിയതിന്റെ സന്തോഷത്തില് പാടത്തെ ചെളിവെള്ളത്തില് ആഹ്ലാദനൃത്തം ചവിട്ടി കര്ഷകരും യുവാക്കളും. കര്ണാടകയിലെ മംഗളൂരു ബാകിമര് പാടത്തായിരുന്നു കര്ഷകരും യുവതീയുവാക്കളും കുട്ടികളും അടക്കം മഴയെ സന്തോഷനൃത്തം കൊണ്ട് വരവേറ്റത്.
പവന്ജെയിലെ ശ്രീ ജനശക്തി സുബ്രഹ്മണ്യ സ്വാമി ക്ഷേത്രമാണ് കേസര്ഡ് ഓഞ്ചി ദിന എന്നറിയപ്പെടുന്ന ആഘോഷം സംഘടിപ്പിച്ചത്. ശനിയാഴ്ചയാണ് പ്രദേശത്തെ കര്ഷകരെ ആഹ്ലാദിപ്പിച്ച് മണ്സൂണ് മഴയെത്തിയത്.
മഴയുടെ അഭാവത്തെത്തുടര്ന്ന് പ്രദേശത്തെ പാടങ്ങളെല്ലാം കൃഷി ചെയ്യാനാകാത്ത അവസ്ഥയിലായിരുന്നു. കര്ണാടകയുടെ നെല്ലറയെന്ന് അറിയപ്പെടുന്ന പ്രദേശമാണിത്. സംസ്ഥാനത്ത് കൃഷി ചെയ്യുന്നതിന്റെ 60 ശതമാനം നെല്ലും ഇവിടെ നിന്നാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
