ഒഡിഷ മുഖ്യമന്ത്രിയ്ക്ക് നേരെ ചീമുട്ടയേറ്; ക്യാച്ചെടുത്ത് സുരക്ഷാ ഉദ്യോഗസ്ഥന്‍ 

ബലാസോര്‍: ഒഡിഷ മുഖ്യമന്ത്രി നവീന്‍ പട്‌നായിക്കിനു നേരെ ചീമുട്ടയേറ്. മുഖ്യമന്ത്രി പങ്കെടുത്ത പൊതുപരിപാടിയ്ക്കിടെയാണ് ഒരു സ്ത്രീ ചീമുട്ട എറിഞ്ഞത്.

തൊട്ടടുത്ത് നിന്ന സുരക്ഷാ ഉദ്യോഗസ്ഥന്‍ കൃത്യമായി കണ്ടതിനാല്‍ മുട്ട മുഖ്യമന്ത്രിയുടെ നേര്‍ക്ക് പതിച്ചില്ല. തലനാരിഴയുടെ വ്യത്യാസത്തിലാണ് മുഖ്യമന്ത്രിയുടെ ദേഹത്ത് പതിക്കാതെ സുരക്ഷയ്ക്കുണ്ടായിരുന്ന ഉദ്യോഗസ്ഥന്‍ പിടിച്ചത്.

തുടര്‍ന്ന് നടന്ന അന്വേഷണത്തില്‍ സംഭവ സ്ഥലത്തുനിന്ന് തന്നെ മുട്ടയെറിഞ്ഞ സ്ത്രീയെ പൊലീസ് അറസ്റ്റ് ചെയ്തു. കൂടുതല്‍ വിവരങ്ങള്‍ ലഭ്യമായിട്ടില്ല.