റാഞ്ചി: ഝാര്ഖണ്ഡില് 12 വയസുകാരിയെ കൂട്ടബലാത്സംഗം ചെയ്ത് കൊലപ്പെടുത്തി. ഈയാഴ്ചയില് സന്താല് പര്ഗാനമേഖലയില് നടക്കുന്ന രണ്ടാമത്തെ സംഭവമാണിത്. കൂട്ടബലാത്സംഗത്തിനിരയായാണ് പെണ്കുട്ടി കൊല്ലപ്പെട്ടതെന്ന് രാംഗഢ് പൊലീസ് പറഞ്ഞു.
പെണ്കുട്ടി സൈക്കിളില് ട്യൂഷന് ക്ലാസില് പോയതായിരുന്നു. സമയം ഏറെ കഴിഞ്ഞിട്ടും തിരിച്ചെത്താത്തതിനെ തുടര്ന്ന് ബന്ധുക്കള് നടത്തിയ തിരച്ചിലില് റോഡ് സൈഡില് സൈക്കിള് കാണുകയായിരുന്നു. റോഡരികിലെ മുള്ച്ചെടികള്ക്കുള്ളിലായിരുന്നു പെണ്കുട്ടിയുടെ മൃതദേഹം. സമീപത്തുനിന്ന് പൊലീസ് കോണ്ടം കണ്ടെത്തുകയും ചെയ്തു.
പെണ്കുട്ടിയെ കൂട്ടബലാത്സംഗം ചെയ്ത ശേഷം കൊലപ്പെടുത്തിയതാണെന്നാണ് പൊലീസ് നിഗമനം. മൃതദേഹം പോസ്റ്റ്മോര്ട്ടത്തിനായി അയച്ചു. പ്രതികളെ കണ്ടെത്താനായി അന്വേഷണം ഊര്ജ്ജിതമാക്കിയതായി പൊലീസ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
