ചെന്നൈ: രാഷ്ട്രീയ പ്രവേശനത്തിന് തയ്യാറെടുക്കുന്ന നടന്‍ കമല്‍ഹാസനെ കാണാന്‍ എഎപി നേതാവും ഡല്‍ഹി മുഖ്യമന്ത്രിയുമായ അരവിന്ദ് കേജ്രിവാള്‍ എത്തുന്നു. ഇന്ന് രാവിലെ 11.30നാണ് കെജ്രിവാള്‍ ചെന്നൈയിലെത്തുന്നത്.
സന്ദര്‍ശനത്തിന്റെ ഉദ്ദേശ്യം വ്യക്താമാക്കിയിട്ടില്ലെങ്കിലും രാഷ്ട്രീയ പ്രവേശനം തന്നെയാണ് അജണ്ടയെന്ന് എഎപി വൃത്തങ്ങള്‍ അറിയിച്ചു. കെജ്രിവാള്‍ മുഖ്യമന്ത്രിയായപ്പോള്‍ കമല്‍ഹാസന്‍ ഡല്‍ഹിയിലെത്തി സന്ദര്‍ശിച്ചിരുന്നു.
കേരള മുഖ്യമന്ത്രി പിണറായി വിജയനുമായി കമല്‍ഹാസന്‍ കൂടിക്കാഴ്ച നടത്തിയിരുന്നു. തമിഴ്‌നാട്ടില്‍ നടക്കാന്‍ പോകുന്ന പഞ്ചായത്ത് തെരഞ്ഞെടുപ്പിന് മുന്നോടിയായി കമല്‍ഹാസന്‍ രാഷ്ട്രീയ പാര്‍ട്ടി പ്രഖ്യാപിക്കും എന്നാണ് വിവരങ്ങള്‍ ലഭിക്കുന്നത്. തന്റെ രാഷ്ട്രീയത്തിന്റെ നിറം കാവിയല്ലെന്ന് കമല്‍ഹാസന്‍ മുമ്പ് വ്യക്തമാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
