ന്യൂഡല്ഹി : കര്ണാടകത്തില് കൂറുമാറിയ എംഎല്എമാരെ അയോഗ്യരാക്കിയ സ്പീക്കറുടെ നടപടി ചോദ്യം ചെയ്ത് സമര്പ്പിച്ച ഹര്ജിയില് സുപ്രിംകോടതി ഇന്ന് വിധി പ്രസ്താവിക്കും. സ്പീക്കര് അയോഗ്യരാക്കിയ ജെഡിഎസ്-കോണ്ഗ്രസ് വിമതരാണ് സുപ്രിംകോടതിയെ സമീപിച്ചത്. ജസ്റ്റിസ് എന്വി രമണ അധ്യക്ഷനായ ബെഞ്ചാണ് കേസില് വിധി പറയുക.
ജെഡിഎസ്- കോണ്ഗ്രസ് വിമത എംഎല്എമാരുടെ രാഷ്ട്രീയ ഭാവി നിര്ണയിക്കുന്നതാണ് സുപ്രിംകോടതി വിധി. കര്ണാടകയിലെ കുമാരസ്വാമി സര്ക്കാരിനെ തള്ളി, ജെഡിഎസ്- കോണ്ഗ്രസ് പാര്ട്ടികളിലെ 15 എംഎല്എമാര് ബിജെപിയെ അനുകൂലിക്കുകയായിരുന്നു.
ഇത് ചോദ്യം ചെയ്ത് കോണ്ഗ്രസും ജെഡിഎസും നല്കിയ പരാതിയിലാണ് മുന് സ്പീക്കര് രമേഷ് കുമാര് 15 എംഎല്എമാരെയും കൂറുമാറിയതിനാല് അയോഗ്യരായി പ്രഖ്യാപിച്ചത്. കേസ് സുപ്രീംകോടതിയുടെ പരിഗണനയില് ഉള്ളതിനാല് കര്ണാടകത്തില് ഉപതെരഞ്ഞെടുപ്പ് നടത്തുന്നത് സ്റ്റേ ചെയ്തിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
