കര്‍ണാടകയില്‍ ബീഫ് നിരോധനം; നിയമ നിര്‍മാണം ഉടന്‍ എന്ന് സര്‍ക്കാര്‍

ബംഗളൂരു: ഗോഹത്യയും ബീഫിന്റെ ഉപയോഗവും നിരോധിക്കുമെന്ന് കര്‍ണാടക. ഇതിനായി ഉടന്‍ തന്നെ നിയമം കൊണ്ടുവരുമെന്ന് സംസ്ഥാന മൃഗ സംരക്ഷണ മന്ത്രി പ്രഭൂ ചൗഹാന്‍ പറഞ്ഞു.

നിരവധി സംസ്ഥാനങ്ങള്‍ ഗോഹത്യ നിരോധിച്ചിട്ടുണ്ട്. ഇതിന്റെ ചുവടു പിടിച്ച് കര്‍ണാടകയും ഉടന്‍ തന്നെ നിയമ നിര്‍മാണം നടത്തും. ബീഫ് കഴിക്കുന്നതും സംസ്ഥാനത്ത് നിരോധിക്കും.

കോവിഡ് വ്യാപനത്തെത്തുടര്‍ന്ന് നിലവിലുള്ള അവസ്ഥ മാറിയാല്‍ ബീഫ് നിരോധനം പരിശോധിക്കാന്‍ വിദഗ്ധ സമിതിയെ നിയോഗിക്കും. സമിതി വേണ്ടിവന്നാല്‍ ഉത്തര്‍പ്രദേശ്, ഗുജറാത്ത് തുടങ്ങിയ സംസ്ഥാനങ്ങളില്‍ സന്ദര്‍ശനം നടത്തുമെന്നും മന്ത്രി പറഞ്ഞു.