ന്യൂഡല്‍ഹി: ചെറുകിട കര്‍ഷകരുടെ ക്ഷേമത്തിനായി പ്രധാനമന്ത്രി കിസാന്‍ സമ്മാന്‍ നിധി നടപ്പാക്കുമെന്ന് ബജറ്റില്‍ പ്രഖ്യാപനം. പദ്ധതി പ്രകാരം ചെറുകിട കര്‍ഷകര്‍ക്ക് ഓരോ വര്‍ഷവും ആറായിരം രൂപ നേരിട്ട് അക്കൗണ്ടില്‍ നല്‍കുമെന്ന് ധനമന്ത്രി പിയൂഷ് ഗോയല്‍ ബജറ്റ് പ്രസംഗത്തില്‍ പറഞ്ഞു.
രണ്ടു ഹെക്ടര്‍ വരെ ഭൂമിയുള്ള കര്‍ഷകരാണ് പ്രധാനമന്ത്രി കിസാന്‍ സമ്മാന്‍ നിധിക്കു കീഴില്‍ വരിക. പ്രതിവര്‍ഷം ആറായിരം രൂപ വീതം ഇവരുടെ ബാങ്ക് അക്കൗണ്ടുകളില്‍ നേരിട്ടു നല്‍കും. മൂന്നു ഗഡുക്കളായി പണം നല്‍കുകയെന്ന് ധനമന്ത്രി വിശദീകരിച്ചു.
പന്ത്രണ്ടു കോടി ചെറുകിട, നാമമാത്ര കര്‍ഷകര്‍ക്കാണ് പദ്ധതിയുടെ ഗുണം ലഭിക്കു. 75,000 കോടി രൂപയാണ് ഇതില്‍ ചെലവു പ്രതീക്ഷിക്കുന്നതെന്നും ധനമന്ത്രി പറഞ്ഞു. പദ്ധതി ഈ വര്‍ഷം മുതല്‍ നടപ്പാക്കുമെന്ന് ധനമന്ത്രി വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
