ശ്രീനഗര്‍: ലോക്‌സഭ തെരഞ്ഞെടുപ്പിന്റെ മൂന്നാംഘട്ട വോട്ടെടുപ്പ് അവസാനലാപ്പിലേക്ക് നീങ്ങുന്നതിനിടെ, ജമ്മുകശ്മീരില്‍ പിഡിപി പ്രവര്‍ത്തകര്‍ നാഷണല്‍ കോണ്‍ഫറന്‍സ് പോളിങ് ഏജന്റിനെ മര്‍ദിക്കുന്ന ദൃശ്യങ്ങള്‍ പുറത്ത്. കളള വോട്ട് ചെയ്തു എന്ന് ആരോപിച്ച് പിഡിപി പ്രവര്‍ത്തകര്‍ നാഷണല്‍ കോണ്‍ഫറന്‍സിന്റെ പോളിങ് ഏജന്റിനെ ചവിട്ടുകയും മര്‍ദിക്കുകയും ചെയ്യുന്നതിന്റെ വീഡിയോയാണ് സമുഹമാധ്യമങ്ങളില്‍ പ്രചരിക്കുന്നത്.
അനന്തനാഗ് ജില്ലയില്‍ ബിജ്‌ബെഹറ പോളിങ് സ്‌റ്റേഷനിലാണ് സംഭവം. നാഷണല്‍ കോണ്‍ഫറന്‍സിന്റെ പോളിങ് ഏജന്റ് കളളവോട്ട് ചെയ്തു എന്ന് ആരോപിച്ച് പിഡിപി പ്രവര്‍ത്തകര്‍ രംഗത്തുവരികയായിരുന്നു. പ്രകോപിതരായ പിഡിപി പ്രവര്‍ത്തകര്‍ പോളിങ് ഏജന്റിനെ മര്‍ദിക്കുന്നതും ദൃശ്യങ്ങളില്‍ കാണാം.
ആറു പാര്‍ലമെന്റ് സീറ്റുകളുളള ജമ്മുകശ്മീരില്‍ അനന്ത് നാഗില്‍ മൂന്ന് ഘട്ടങ്ങളിലായാണ് വോട്ടെടുപ്പ് നടക്കുന്നത്. ഇതില്‍ ആദ്യഘട്ടമാണ് ഇന്ന് നടക്കുന്നത്. പ്രശ്‌നബാധിത പ്രദേശമായി കണ്ടാണ് ഇവിടെ മൂന്നുഘട്ടങ്ങളിലായി തെരഞ്ഞെടുപ്പ് നടക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
