ഗാസിയാബാധ്: കാര്‍ കിടങ്ങിലേക്ക് മറിഞ്ഞ് കുട്ടിയടക്കം ഏഴ് പേര്‍ മരിച്ചു. ഉത്തര്‍പ്രദേശിലെ ഗാസിയാബാദിലാണ് സംഭവം. നിര്‍ത്തിയിട്ടിരുന്ന കാറിന്റെ ഹാന്‍ഡ്‌ബ്രേക്ക് കാറിന്റെ മുന്‍സീറ്റിലിരുന്ന കുട്ടി പിടിച്ച് വലിച്ചതോടെയാണ് അപകടമുണ്ടായത്. വിവാഹ സല്‍ക്കാരത്തില്‍ പങ്കെടുക്കാനായി പോകുന്ന കുടുംബം സഞ്ചരിച്ച കാറായിരുന്നു അപകടത്തില്‍പ്പെട്ടത്.
55കാരനായ ഓം പ്രകാശ് റത്തോഗി തന്റെ മകന്റെ വിവാഹത്തില്‍ പങ്കെടുക്കാന്‍ കുടുംബാംഗങ്ങളുമായി പോകുമ്പോഴായിരുന്നു അപകടം. ഇദ്ദേഹവും മരിച്ചവരില്‍ ഉള്‍പ്പെടുന്നു. എസ്‌യുവിയിലാണ് ഇവര്‍ യാത്ര ചെയ്തത്.
യാത്രക്കിടെ ഒരു കിടങ്ങിനടുത്തായി ഡ്രൈവര്‍ കാര്‍ പാര്‍ക്ക് ചെയ്തു. വണ്ടിയുടെ മുന്നിലിരിക്കുകയായിരുന്ന കുട്ടി അബദ്ധത്തില്‍ ഹാന്റ് ബ്രേക്ക് റിലീസ് ചെയ്തതാണ് കാര്‍ പിന്നിലേക്ക് ഉരുണ്ട് പോകാന്‍ കാരണമായത്.
ഉടന്‍ തന്നെ നാട്ടുകാര്‍ രക്ഷാപ്രവര്‍ത്തനം നടത്തിയെങ്കിലും ഏഴുപേരുടെ ജീവന്‍ രക്ഷിക്കാനായില്ല. 11 പേരാണ് വാഹനത്തില്‍ ഉണ്ടായിരുന്നത്. നാലു പേര്‍ക്ക് ഗുരുതരമായി പരിക്കേറ്റിട്ടുണ്ട്. അപകടകരമായ രീതിയില്‍ വാഹനം പാര്‍ക്ക് ചെയ്തതിന് ഡ്രൈവര്‍ക്കെതിരെ പൊലീസ് കേസെടുത്തിട്ടുണ്ട്. ഇയാള്‍ ഒളിവിലാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
