ബംഗളരൂ: കുമാരസ്വാമിയെ സര്ക്കാര് രൂപികരിക്കാന് കര്ണാടക ഗവര്ണര് വാജുഭായ് വാല ക്ഷണിച്ചതിനെതിരെ അഖിലഭാരത ഹിന്ദു മഹാസഭ സുപ്രീം കോടതിയെ സമീപിച്ചു. കോണ്ഗ്രസ്-ജെഡിഎസ് സഖ്യ സര്ക്കാരിന്റെ സത്യപ്രതിജ്ഞ ഭരണഘടനാ ലംഘനമാണെന്നാണ് ഹിന്ദു മഹാസഭയുടെ ആരോപണം.
മെയ് 23ന് നടക്കുന്ന സത്യപ്രതിജ്ഞ സ്റ്റേ ചെയ്യണണെന്നും ഹര്ജിയില് പറയുന്നു. കുമാരസ്വാമിയെ സര്ക്കാരുണ്ടാക്കാന് ക്ഷണിച്ച ഗവര്ണറുടെ നടപടി നിയമത്തെ ദുര്ബലപ്പെടുത്തുമെന്നും ഹിന്ദുമഹാ സഭയ്ക്കുവേണ്ടി ഹാജരായ ബരുണ് കുമാര് സിന്ഹ പറയുന്നു
മെയ് 12ന് നടന്ന തെരഞ്ഞടുപ്പില് 104 സീറ്റ് നേടി ബിജെപി വലിയ ഒറ്റകക്ഷിയായെങ്കിലും സര്ക്കാര് രൂപികരിക്കാന് കഴിഞ്ഞിരുന്നില്ല. കോണ്ഗ്രസ് 78, ജെഡിഎസ് 37 സീറ്റുകള് നേടിയിരുന്നു. ബിജെപിയെ അധികാരത്തില് നിന്നും മാറ്റിനിര്ത്തുന്നതിന്റെ ഭാഗമായി ഇരുവരും സഖ്യം രൂപികരിക്കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
