കൃഷിയിടത്തില്‍ രണ്ട് പെരുമ്പാമ്പുകള്‍, പിടികൂടി വനംവകുപ്പ് ഉദ്യോഗസ്ഥര്‍ (വീഡിയോ)

ഡെറാഡൂണ്‍: രണ്ട് പെരുമ്പാമ്പുകളെ വനംവകുപ്പ് ഉദ്യോഗസ്ഥര്‍ രക്ഷിക്കുന്നതിന്റെ വീഡിയോ പുറത്ത്. കൃഷിഭൂമിയില്‍ കണ്ടെത്തിയ പെരുമ്പാമ്പുകളെയാണ് വനംവകുപ്പ് ഉദ്യോഗസ്ഥര്‍ പിടികൂടി കാട്ടില്‍ തുറന്നുവിട്ടത്.

ഉത്തരാഖണ്ഡിലെ ഗൗലാംപാര്‍ മേഖലയിലാണ് സംഭവം.കൃഷിഭൂമിയില്‍ കര്‍ഷകരാണ് പെരുമ്പാമ്പുകളെ കണ്ടെത്തിയത്. വിവരം അറിഞ്ഞ് സ്ഥലത്തെത്തിയ വനംവകുപ്പ് ഉദ്യോഗസ്ഥര്‍ ഇവയെ പിടികൂടുകയായിരുന്നു. 12 അടിയോളം നീളമുളള പെരുമ്പാമ്പുകളെയാണ് പിടികൂടിയത്. കാലാവസ്ഥ മാറുന്നതിന് അനുസരിച്ച് ഇവയെ കൂടെക്കൂടെ ഈ പ്രദേശത്ത് കാണാറുണ്ടെന്ന് വനംവകുപ്പ് ഉദ്യോഗസ്ഥര്‍ പറയുന്നു.