ബംഗലൂരു : 2019 ലെ പൊതുതെരഞ്ഞെടുപ്പില്‍ കോണ്‍ഗ്രസിന് ഭൂരിപക്ഷം ലഭിച്ചാല്‍ പ്രധാനമന്ത്രിയാകുമെന്ന് കോണ്‍ഗ്രസ് അധ്യക്ഷന്‍ രാഹുല്‍ഗാന്ധി. അക്കാര്യം തെരഞ്ഞെടുപ്പിലെ കോണ്‍ഗ്രസിന്റെ പ്രകടനത്തെ അനുസരിച്ചിരിക്കും. കോണ്‍ഗ്രസ് ഏറ്റവും വലിയ ഒറ്റക്കക്ഷിയായാല്‍ തീര്‍ച്ചയായും പ്രധാനമന്ത്രി പദം ഏറ്റെടുക്കും. ബംഗലൂരിവില്‍ പ്രമുഖ വ്യക്തികളുമായുള്ള സംവാദത്തിനിടെ രാഹുല്‍ വ്യക്തമാക്കി.
യെദ്യൂരപ്പയെ മുഖ്യമന്ത്രി സ്ഥാനാര്‍ത്ഥിയാക്കിയ ബിജെപി നടപടിയെ രാഹുല്‍ഗാന്ധി ചോദ്യം ചെയ്തു. അഴിമതിക്കാരനെയാണ് ബിജെപി മുഖ്യമന്ത്രി സ്ഥാനത്തേക്ക് ബിജെപി ഉയര്‍ത്തിക്കാട്ടുന്നത്. അഴിമതിക്കേസില്‍ ജയിലില്‍ പോയ യെദ്യൂരപ്പയെ എന്തിനാണ് ബിജെപി ഉയര്‍ത്തിക്കാട്ടുന്നതെന്ന് പ്രധാനമന്ത്രി വിശദീകരിക്കണമെന്നും രാഹുല്‍ ആവശ്യപ്പെട്ടു.
കോണ്‍ഗ്രസ് സ്ഥാനാര്‍ത്ഥികളുടെ പ്രചരണത്തിനായി രാഹുല്‍ ഗാന്ധിയും സോണിയാഗാന്ധിയും കര്‍ണാടകയിലുണ്ട്. രണ്ടു വര്‍ഷത്തിന് ശേഷമാണ് സോണിയ പൊതു റാലിയില്‍ പങ്കെടുക്കുന്നത്. പ്രധാനമന്ത്രി നരേന്ദ്രമോദിയും ബിജെപി അധ്യക്ഷന്‍ അതിത് ഷായും സംസ്ഥാനത്ത് പ്രചരണ രംഗത്തുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
