ഭോപ്പാല്‍: രാഹുല്‍ഗാന്ധിക്ക് പിന്നാലെ കോണ്‍ഗ്രസില്‍ കൂട്ടരാജി തുടരുന്നു. രാഹുലിന് പിന്‍ഗാമിയായി എഐസിസി പ്രസിഡന്റ് സ്ഥാനത്തേക്ക് പറഞ്ഞുകേല്‍ക്കുന്ന ജ്യോതിരാദിത്യ സിന്ധ്യയാണ് ഒടുവില്‍ രാജിവെച്ചത്. എഐസിസി ജനറല്‍ സെക്രട്ടറി പദമാണ് സിന്ധ്യ രാജിവെച്ചത്. തെരഞ്ഞെടുപ്പ് തോല്‍വിയുടെ ഉത്തരവാദിത്തം ഏറ്റെടുത്താണ് ജ്യോതിരാദിത്യയുടെയും രാജി.
കോണ്‍ഗ്രസില്‍ പടിഞ്ഞാറന്‍ ഉത്തര്‍പ്രദേശിന്റെ ചുമതലയുള്ള എഐസിസി ജനറല്‍ സെക്രട്ടറിയായിരുന്നു ജ്യോതിരാദിത്യ സിന്ധ്യ. പ്രിയങ്ക ഗാന്ധിക്കൊപ്പമാണ് സിന്ധ്യയെയും യുപിയുടെ ചുമതലയില്‍ രാഹുല്‍ നിയോഗിച്ചത്. എന്നാല്‍ യുപിയിലെ സിറ്റിംഗ് സീറ്റായ അമേഠിയില്‍ രാഹുല്‍ഗാന്ധിയും പരാജയപ്പെടുകയായിരുന്നു.
തെരഞ്ഞെടുപ്പ് തോല്‍വിയുടെ ഉത്തരവാദിത്തം ഏറ്റെടുത്ത് മധ്യപ്രദേശ് മുഖ്യമന്ത്രി കമല്‍നാഥ് നേരത്തെ പിസിസി അധ്യക്ഷ സ്ഥാനം ഒഴിഞ്ഞിരുന്നു. തോല്‍വിയുടെ ഉത്തരവാദിത്വം ഏറ്റെടുത്ത് ദീപക് ബാബ്‌റിയ, വിവേക് തന്‍ഖ തുടങ്ങിയ മറ്റു പല മുതിര്‍ന്ന നേതാക്കളും രാജിവെച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
