ശ്രീനഗര്‍: പാര്‍ട്ടി ജമ്മു കശ്മീര്‍ പ്രസിഡന്റ് ഗുലാം അഹമ്മദ് മിറിനെ സര്‍ക്കാര്‍ വീട്ടുതടങ്കലിലാക്കിയെന്ന് കോണ്‍ഗ്രസ്. വെള്ളിയാഴ്ച ഉച്ചമുതല്‍ കോണ്‍ഗ്രസ് ജമ്മു കശ്മീര്‍ പ്രസിഡന്റ് വീട്ടുതടങ്കലിലാണെന്നും അദ്ദേഹത്തിന്റെ സഞ്ചാര സ്വാതന്ത്ര്യം നിഷേധിച്ചിരിക്കുകയാണെന്നും പാര്‍ട്ടി വക്താവ് പറഞ്ഞുവെന്ന് വാര്‍ത്താ ഏജന്‍സിയായ പിടിഐ റിപ്പോര്‍ട്ട് ചെയ്തു.
മിറിന്റെ അറസ്റ്റില്‍ പ്രതിഷേധിച്ച് കോണ്‍ഗ്രസിന്റെ മുതിര്‍ന്ന നേതാക്കള്‍ രംഗത്തെത്തി. കേന്ദ്രസര്‍ക്കാര്‍ സംസ്ഥാനത്തിന്റെ സാധാരണനില തകര്‍ക്കാന്‍ ശ്രമിക്കുകയാണെന്ന് കോണ്‍ഗ്രസ് ആരോപിച്ചു.
പത്രസമ്മേളനം നടത്തിയതിന് പാര്‍ട്ടിയുടെ ജമ്മു കശ്മീര്‍ വക്താവ് രവീന്ദര്‍ സിങിനെ അറസ്റ്റ് ചെയ്തുവെന്ന് കോണ്‍ഗ്രസിന്റെ ഔദ്യോഗിക ട്വിറ്റര്‍ അക്കൗണ്ട് ട്വീറ്റ് ചെയ്തു. മോദി സര്‍ക്കാരിന്റെ ഏകാധിപത്യപരമായ നീക്കത്തെ ശക്തമായി പ്രതിഷേധിക്കുന്നുവെന്നും നേതാക്കളെ ഉടനെ വിട്ടയക്കണമെന്നും കോണ്‍ഗ്രസ് ആവശ്യപ്പെട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
