ബംഗളൂരു: കര്‍ണാടകത്തിലെ ദളിതരെ കോണ്‍ഗ്രസ് വഞ്ചിച്ചെന്ന് പ്രധാനമന്ത്രി നരേന്ദ്രമോദി. ദളിതരെയും പിന്നോക്കക്കാരെയും വോട്ടിന് വേണ്ടി മാത്രം ഉപയോഗിക്കുന്ന പാര്‍ട്ടിയാണ് കോണ്‍ഗ്രസെന്നും മോദി പറഞ്ഞു. കര്‍ണാകടക തെരഞ്ഞടുപ്പ് പ്രചാരണത്തിന്റെ ഭാഗമായി ബല്ലാരിയില്‍ സംസാരിക്കുകയായിരുന്നു മോദി. പിന്നോക്കക്കാരുടെയും ദളിതരുടെയും പ്രതിനിധിയായാണ് താന്‍ ഇവിടെ നില്‍ക്കുന്നതെന്നും മോദി കൂട്ടിച്ചേര്‍ത്തു
ദളിതനായ മല്ലികാര്‍ജ്ജുന്‍ ഖാര്‍ഗെയെ 2013ല്‍ മുഖ്യമന്ത്രി ആക്കുമെന്ന് പറഞ്ഞാണ് കോണ്‍ഗ്രസ് ഇവരുടെ വോട്ട് വാങ്ങിയത്. മുസ്ലീങ്ങളെ ബിജെപി പരിഗണിച്ചതിന് തെളിവാണ് എപിജെ അബ്ദുല്‍ കലാമിനെ രാജ്യത്തിന്റെ പ്രഥമപൗരന്‍ ആക്കിയത്. കോണ്‍ഗ്രസ് പട്ടാളക്കാരുടെ വീരമൃത്യുവിന് ബഹുമാനം നല്‍കുന്നില്ല. സര്‍ജിക്കല്‍ സ്‌ട്രൈക്ക് നടത്തിയപ്പോള്‍ അതിന്റെ വിശ്വാസ്യതയെ തകര്‍ക്കാനാണ് കോണ്‍ഗ്രസ് ശ്രമിച്ചത്.
സംസ്ഥാനത്ത് അനധികൃച ഖനനം വ്യാപകമായപ്പോഴും നയം രൂപികരിക്കാന്‍ സിദ്ധരാമയ്യ സര്‍ക്കാരിന് കഴിഞ്ഞില്ല. സംസ്ഥാനത്തിന് കടക്കെണിയിലാക്കിയെന്നും മോദി ബല്ലാരിയില്‍ പറഞ്ഞു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
