ബംഗളൂരു: കോളജ് വിദ്യാർഥിനികളുടെയും അധ്യാപികമാരുടേയും ചിത്രങ്ങൾ അശ്ലീല വെബ്സൈറ്റിൽ വൻ തോതിൽ പ്രചരിപ്പിച്ച സംഭവത്തിൽ രണ്ട് പേർ പിടിയിൽ. ബംഗളൂരുവിൽ ടെക്കികളായ അജയ് തനികാചലം (27) വികാസ് രഗോഥം (27) എന്നിവരെയാണ് സിറ്റി ക്രൈംബ്രാഞ്ചിന്റെ സൈബർ വിങ് അറസ്റ്റ് ചെയ്തത്. വിദ്യാർത്ഥിനികളുടേയും അധ്യാപികമാരുടെയും ചിത്രങ്ങൾ അശ്ലീല വെബ്സൈറ്റിൽ നിന്ന് നീക്കം ചെയ്തതായും പൊലീസ് അറിയിച്ചു.
ബംഗളൂരുവിലെ കോളജ് വിദ്യാർത്ഥിനികളുടെയും അധ്യാപികമാരുടെയും സാമൂഹിക മാധ്യമങ്ങളിലെ ചിത്രങ്ങൾ ദുരുപയോഗം ചെയ്താണ് അശ്ലീല വെബ്സൈറ്റിൽ പോസ്റ്റ് ചെയ്തിരുന്നത്. സംഭവം ശ്രദ്ധയിൽപ്പെട്ടതോടെ വിദ്യാർഥിനികളും കോളജ് അധികൃതരും പൊലീസിൽ പരാതി നൽകുകയായിരുന്നു.
മുപ്പതിലേറെ വിദ്യാർത്ഥിനികളുടെ ചിത്രങ്ങൾ പ്രചരിപ്പിച്ചതായി പൊലീസ് കണ്ടെത്തി. തുടർന്ന് വിശദമായ അന്വേഷണത്തിനൊടുവിൽ പ്രതികളെ പിടികൂടുകയായിരുന്നു. ഇവരുടെ ലാപ്ടോപ്പുകളും മൊബൈൽ ഫോണുകളും പിടിച്ചെടുത്തിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
