ലക്ക്‌നൗ: കോവിഡ് ഡ്യൂട്ടിയിലുള്ള ഡോക്ടര്‍മാര്‍ക്ക് ലഭിക്കുന്ന ഭക്ഷണത്തില്‍ പുഴുക്കളെന്ന് പരാതി. ലക്‌നൗ ആശുപത്രിയിലെ ആരോഗ്യപ്രവര്‍ത്തകരാണ് പരാതിയുമായി രംഗത്തെത്തിയത്. ഇവിടെ ഒരുക്കിയിട്ടുള്ള താമസസൗകര്യവും അപര്യാപ്തമാണെന്ന് ഇവര്‍ ആരോപിച്ചു.
ഭക്ഷണം മോശമാണെന്ന് പലതവണ പരാതിപ്പെട്ടിട്ടും നടപടിയുണ്ടായില്ലെന്ന് ഡോക്ടര്‍മാര്‍ ആരോപിച്ചു. കിങ് ജോര്‍ജ്ജ് മെഡിക്കല്‍ യൂണിവേഴ്‌സിറ്റിയിലെ ഭക്ഷണത്തിന്റെ ചിത്രങ്ങള്‍ ഡോക്ടര്‍മാര്‍ സമൂഹമാധ്യമങ്ങളിലൂടെ പങ്കുവയ്ക്കുകയും ചെയ്തു. അശ്രദ്ധയാണ് ഇതിന് പിന്നിലെ കാരണമെന്നും മോശം ഭക്ഷണമെന്നാല്‍ മോശം ആരോഗ്യം എന്നാണ് അര്‍ത്ഥമെന്നും ഡോക്ടര്‍മാര്‍ പറഞ്ഞു.
താമസസ്ഥലത്തെ ഫാന്‍ പോലും പ്രവര്‍ത്തിക്കില്ലെന്നും ഇവര്‍ ആരോപിച്ചു. കോവിഡ് കാലത്ത് വീട്ടില്‍ പോകാതെ ആശുപത്രിയില്‍ തങ്ങി ജോലിചെയ്യുമ്പോള്‍ ഇത്തരം അസൗകര്യങ്ങള്‍ ഏറെ ബുദ്ധിമുട്ടുണ്ടാകുന്നതാണെന്ന് നഴ്‌സുമാരുടെ സംഘടനയും ചൂണ്ടിക്കാട്ടി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
