ന്യൂഡല്‍ഹി :പതിനഞ്ചു വയസുകാരിയെ ആള്‍ദൈവം ക്ഷേത്രത്തിനുള്ളില്‍ വെച്ച് ലൈംഗീകാതിക്രമത്തിന് ഇരയാക്കി. ദക്ഷിണ ഡല്‍ഹിയിലെ ഫത്തേപൂര്‍ ബേരിയിലായിരുന്നു സംഭവം.
സംഭവവുമായി ബന്ധപ്പെട്ട് ക്ഷേത്രം നടത്തിപ്പുകാരനായ നബ്ബെ ഭഗതിനെ പൊലീസ് അറസ്റ്റ് ചെയ്തു. ആഗസ്റ്റ് 17ന് പെണ്‍കുട്ടിയും അമ്മാവനും മകനും കൂടി നബ്ബെ ഭഗതിനെ സന്ദര്‍ശിക്കാന്‍ വന്നപ്പോഴായിരുന്നു പെണ്‍കുട്ടിക്ക് നേരെയുള്ള അതിക്രമം.
അമ്മാവന്റെ മകന്റെ അസുഖത്തില്‍ ശമനം തേടിയായിരുന്നു അവര്‍ ആള്‍ദൈവത്തിന്റെ പക്കലെത്തിയത്. പീഡിപ്പിച്ചതിന് ശേഷം കൊന്നു കളയുമെന്ന് പെണ്‍കുട്ടിയെ ഭീഷണിപ്പെടുത്തുകയും ചെയ്തു. പെണ്‍കുട്ടിയുടെ ബന്ധുവിന്റെ പരാതിയില്‍ പോസ്‌ക വകുപ്പ് പ്രകാരമാണ് കേസെടുത്തിരിക്കുന്നതെന്ന് ഡപ്യൂട്ടി പൊലീസ് കമ്മീഷണര്‍ വിജയ് കുമാര്‍ പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
