പുതുച്ചേരി: ഗാന്ധിജയന്തി ദിനത്തില്‍ അഴുക്കുചാലില്‍ ഇറങ്ങി ശുചീകരണദൗത്യത്തില്‍ പങ്കാളിയായ പുതുച്ചേരി മുഖ്യമന്ത്രിയുടെ വീഡിയോ വൈറല്‍. തൂമ്പയുമായി ഇറങ്ങി അഴുക്കുചാല്‍ വൃത്തിയാക്കുന്ന പുതുച്ചേരി മുഖ്യമന്ത്രി വി നാരായണസ്വാമിയുടെ ദൃശ്യങ്ങളാണ് സോഷ്യല്‍ മീഡിയയില്‍ വ്യാപകമായി പ്രചരിക്കുന്നത്.
മുഖ്യമന്ത്രിയുടെ ഔദ്യോഗിക ട്വിറ്റര്‍ പേജിലാണ് വീഡിയോ പോസ്റ്റ് ചെയ്തിരിക്കുന്നത്. ശുചീകരണ പ്രവൃത്തികളില്‍ ജനങ്ങളുടെ പങ്കാളിത്തം ഉറപ്പാക്കുന്ന പ്രധാനമന്ത്രിയുടെ സ്വച്ഛതാ ഹി സേവാ ദൗത്യത്തിന്റെ ഭാഗമായാണ് പുതുച്ചേരിയില്‍ പരിപാടി സംഘടിപ്പിച്ചത്.
വെളുത്ത വസ്ത്രം ധരിച്ച് എത്തിയ കോണ്‍ഗ്രസ് നേതാവ് അഴുക്കുചാലില്‍ ഇറങ്ങുന്നത് ദൃശ്യങ്ങളില്‍ വ്യക്തമാണ്. കറുത്ത നിറത്തില്‍ ഒഴുകുന്ന അഴുക്കുചാലില്‍ നിന്ന് തൂമ്പയുടെ സഹായത്തോടെ നാരായണ സ്വാമി മാലിന്യങ്ങള്‍ പുറത്തേയ്ക്ക് തളളുന്നത് ദൃശ്യങ്ങളില്‍ കാണാം.
പലപ്പോഴും മുന്‍കൂട്ടി തയ്യാറാക്കിയ സ്ഥലത്ത് രാഷ്ട്രീയ നേതാക്കള്‍ ശുചീകരണ പ്രവര്‍ത്തനങ്ങളില്‍ ഏര്‍പ്പെടുന്നതായി ആക്ഷേപം നിലനില്‍ക്കുന്നുണ്ട്. എന്നാല്‍ ഇതില്‍ നിന്നും വ്യത്യസ്തമായി ആത്മാര്‍ത്ഥമായ ഇടപെടല്‍ നടത്തിയ നാരായണസ്വാമിയ്ക്ക് സോഷ്യല്‍മീഡിയയില്‍ ആശംസാ പ്രവാഹമാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
