ന്യൂഡല്‍ഹി: ആറ് മണ്ഡലങ്ങളിലേക്ക് ഉപതെരഞ്ഞെടുപ്പ് നടന്ന ഗുജറാത്തില്‍ കോണ്‍ഗ്രസ് മൂന്നു മണ്ഡലങ്ങളില്‍ ലീഡ് ചെയ്യുന്നു. ബിജെപി രണ്ട് മണ്ഡലങ്ങളില്‍ ലീഡ് ചെയ്യുന്നു. കോണ്‍ഗ്രസ് വിട്ട് ബിജെപിയില്‍ ചേര്‍ന്ന അല്‍പേഷ് താക്കൂര്‍ പിന്നിലാണ്. രധന്‍പൂരില്‍ നിന്നാണ് അല്‍പേഷ് ജനവിധി തേടിയത്. രഘുഭായി ദേശായിയാണ് അല്‍പേഷിന് എതിരെ കോണ്‍ഗ്രസിന്റെ സ്ഥാനാര്‍ത്ഥി. അല്‍പേഷ് താക്കൂറിനൊപ്പം ബിജെപി പാളയത്തിലെത്തിയ ദാവല്‍സിന്‍ഹ് സല ബയാദും പിന്നിലാണ്. ഈ മണ്ഡലങ്ങളില്‍ നാല് സീറ്റികള്‍ കഴിഞ്ഞ നിയമസഭ തെരഞ്ഞെടുപ്പില്‍ ബിജെപി ജയിച്ചവയായിരുന്നു.
പഞ്ചാബില്‍ കോണ്‍ഗ്രസ് മൂന്ന് സീറ്റില്‍ ലീഡ് ചെയ്യുന്നു. ജലാലാബാദ്, ഫഗ്‌വാര, മുകേരിയന്‍ സീറ്റുകളിലാണ് കോണ്‍ഗ്രസ് ലീഡ് ചെയ്യുന്നത്. ദാഖയില്‍ എസ്എഡി ലീഡ് ചെയ്യുന്നു. തമിഴ്‌നാട്ടില്‍ ഉപതെരഞ്ഞെടുപ്പ് നടന്ന വിക്രവന്ദിയില്‍ എഐഎഡിഎംകെ ലീഡ് ചെയ്യുന്നു. 6,020വോട്ടിനാണ് ഭരണകക്ഷി സ്ഥാനാര്‍ത്ഥി ലീഡ് ചെയ്യുന്നത്.
ഹിമാചല്‍ പ്രദേശിലെ ധര്‍മ്മശാലയിലും പച്ചഡ് സീറ്റിലും ബിജെപിയാണ് മുന്നില്‍. അരുണാചലില്‍ ഉപതെരഞ്ഞെടുപ്പ് നടന്ന ഖോന്‍സ വെസ്റ്റ് മണ്ഡലച്ചില്‍ സ്വതന്ത്ര സ്ഥാനാര്‍ത്ഥിയാണ് ലീഡ് ചെയ്യുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
