മീററ്റ്: മഹാത്മാ ഗാന്ധിയുടെ ഘാതകന്‍ നാഥുറാം വിനായക് ഗോഡ്‌സെയ്ക്ക് വേണ്ടി യൂട്യൂബ് ചാനല്‍ ആരംഭിക്കാന്‍ ഹിന്ദു മഹാസഭ. സോഷ്യല്‍ മീഡിയയില്‍ സജീവമായ യുവാക്കളെ ഗോഡ്‌സെയുടെ യൂട്യൂബ് ചാനല്‍ ആരംഭിച്ച് ആകര്‍ഷിക്കാന്‍ സംഘടന തീരുമാനിച്ചതായി ഹിന്ദു മഹാസഭ വക്താവ് അഭിഷേക് അഗര്‍വാള്‍ പറഞ്ഞു.
മഹാത്മാഗാന്ധിയുടെ കൊലപാതകത്തിന് പിന്നിലെ കാരണങ്ങള്‍ എന്തെല്ലാമാണെന്നും ഗോഡ്‌സെ ചെയ്ത നല്ല കാര്യങ്ങളും ഈ ചാനല്‍ ജനങ്ങളോട് പറയുമെന്നും അഭിഷേക് കൂട്ടിച്ചേര്‍ത്തു.
എന്നാല്‍ ഈ നീക്കത്തിന് എതിരെ കോണ്‍ഗ്രസ് രംഗത്തെത്തി. ഗാന്ധിയുടെ ആശയങ്ങള്‍ ഇല്ലാതാക്കാനും ഗോഡ്‌സെയെ മഹത്വവത്കരിക്കാനുമുള്ള നീക്കമാണ് ഇതെന്ന് കോണ്‍ഗ്രസ് നേതാവ് ആരാധന മിശ്ര പറഞ്ഞു.
ഗാന്ധിയുടെ ആശയങ്ങള്‍ ഇന്ത്യയിലെ ജനങ്ങളുടെ ഡിഎന്‍എയില്‍ അലിഞ്ഞതാണ്. ഗോഡ്‌സെയെ മഹത്വവത്കരിക്കാനുള്ള ശ്രമങ്ങള്‍ ഒരിക്കലും വിജയത്തിലെത്തില്ല. ഭരണകക്ഷി ഇത്തരത്തിലുള്ള നീക്കങ്ങളില്‍ നിന്ന് പിന്‍മാറണമെന്നും ആരാധന കൂട്ടിച്ചേര്‍ത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
