റായ്പൂര്‍: കന്നുകാലി കര്‍ഷകരില്‍ നിന്ന് പണം നല്‍കി ചാണകം വാങ്ങാന്‍ പദ്ധതിയുമായി ഛത്തീസ്ഗഡിലെ കോണ്‍ഗ്രസ് സര്‍ക്കാര്‍. കിലോയ്ക്ക് രണ്ടുരൂപ നിരക്കിലാണ് കന്നുകാലി കര്‍ഷകരില്‍ നിന്ന് ചാണകം വാങ്ങുന്നത്. ജൈവ വള ഉത്പാദനത്തിന് വേണ്ടിയാണി 'ഗോദാന്‍ ന്യായ് യോജന' എന്ന പേരില്‍ ഭൂപേഷ് ബാഗേല്‍ സര്‍ക്കാര്‍ പദ്ധതി ആരംഭിച്ചിരിക്കുന്നത്.
കന്നുകാലി വളര്‍ത്തല്‍ പ്രോത്സാഹിപ്പിക്കാനും അവയുടെ സുരക്ഷ ഉറപ്പാക്കാനും ഗ്രാമീണ സമ്പദ്‌വ്യവസ്ഥയെ ശക്തിപ്പെടുത്താനും വേണ്ടിയുള്ള പദ്ധതിയാണ് ഇതെന്ന് ഉദ്ഘാടന വേളയില്‍ മുഖ്യമന്ത്രി പറഞ്ഞു. ഗോദാന്‍ കമ്മിറ്റികളാണ് ചാണകം ശേഖരിക്കുക. വനിതാ സ്വാശ്രയ സംഘങ്ങള്‍ ചാണകത്തില്‍ നിന്ന് ജൈവ വളം നിര്‍മ്മിക്കും. ഇത് പിന്നീട് കിലോയ്ക്ക് എട്ടുരൂപ എന്ന നിരക്കില്‍ കര്‍ഷകര്‍ക്ക് നല്‍കും. ചാണകം ശേഖരിക്കുന്നതിനായി 5000 പേരെ നിയമിച്ചിട്ടുണ്ട്.
20,000 ഗ്രാമങ്ങളില്‍ ഗോദാന്‍ സമിതികള്‍ രൂപീകരിക്കാനാണ് സര്‍ക്കാര്‍ ഉദ്ദേശിക്കുന്നത്. മന്ത്രിസഭാ മന്ത്രിമാരും മുതിര്‍ന്ന ഉദ്യോഗസ്ഥരും പൊതുജനപ്രതിനിധികളും പങ്കെടുത്ത പരിപാടിയില്‍ മുഖ്യമന്ത്രി പ്രതീകാത്മകമായി ചാണകം ശേഖരിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
