ന്യൂഡല്‍ഹി: 'ദേശദ്രോഹികളെ' വെടിവയ്ക്കാന്‍ ആഹ്വാനം ചെയ്ത് ഡല്‍ഹി മെട്രോ സ്റ്റേഷനില് മുദ്രാവാക്യം വിളി. രാജീവ് ചൗക്ക് സ്‌റ്റേഷനിലാണ് ഒരു കൂട്ടം ആളുകള്‍ മുദ്രാവാക്യം വിളിച്ചത്. ഇതിന്റെ വിഡിയോ സമൂഹ മാധ്യമങ്ങളില്‍ വ്യാപകമായി പ്രചരിക്കുന്നുണ്ട്.
വെള്ള ടീ ഷര്‍ട്ടും ഓറഞ്ച് തലപ്പാവും ധരിച്ച ഒരു കൂട്ടം ആളുകളാണ് മുദ്രാവാക്യം വിളിച്ചത്. ദേശ് കെ ഗദ്ദാറോം കോ ഗോലി മാരോ സാലോംകോ എന്നാണ് ഇവര്‍ വിളിച്ചുപറഞ്ഞത്.
സംഭവവുമായി ബന്ധപ്പെട്ട് ആറു പേരെ മെട്രോ അധികൃതര്‍ പൊലീസിനു കൈമാറിയതായി റിപ്പോര്‍ട്ടുണ്ട്. ഇവര്‍ യാത്രക്കാര്‍ ആണെന്നാണ് മെട്രോ അധികൃതര്‍ പറയുന്നത്.
ഡല്‍ഹി മെട്രോയില്‍ ഏതു വിധത്തിലുമുള്ള പ്രകടനങ്ങള്‍ക്കു വിലക്കുണ്ട്. ഇതു ലംഘിച്ച് നഗരത്തിലെ ഏറ്റവും തിരക്കേറിയ സ്റ്റേഷനില് ഉണ്ടായ മുദ്രാവാക്യം വിളി അധികൃതരെ ഞെട്ടിച്ചിട്ടുണ്ട്. ഡല്‍ഹി കലാപത്തിനു കാരണമായതെന്ന് ആരോപണമുയര്‍ന്ന മുദ്രാവാക്യമാണ് ഇവര്‍ വിളിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
